[الشاعر الغريب]

بسم الله الرحمن الرحيم

اللهم صل على محمد وال محمد الطيــــــــبين الطاهرين

في هذه القصيدة اخاطب الذين اتخذوا من الكــلام الذي

يجدي نفعا اتخذوه عملا لهم

عليمن نعتمــــــــــــــــد

صدك شيعه انتسمه ونتبع اهل البيت *** لونتبـــــــع مظاهر دنيه خلابــه

البعض تيه طريقه وتيه الطيبين *** مثل طير اليتيــــه عشه واســــــرابه

وتجاره بهالوكت صار القلت والقال *** وذاكه الماحــجه جن تيه احسابه

بعضنه يكول مامليتو من عاشور *** وبوجه المجــــــــالس ينغلك بابــــه

يكول حسين صار ادهور من مات *** جم دوب اللطــــــــم والنوح لمصابه

وعلينه اتشابجت وتخربطت الاوضاع *** وضدنه اجم لـسان ايسيل بلعابه

معقوله الحجي يغيرنه والاقوال *** ونسينه الذيب ذاكه الكشـــــــــــر انيابه

ومعقوله الدمه ننساهه والارواح *** وننسه الناصبي واعوانه والجــــابه

ومعقوله نسينه الفجر الزوار *** والسدد علينه بكوزه نشـــــــــــــــــــابه

صدكوني نضيع بلايه درب حسين *** ولو ضعنه ندم ميفيد واسبـــــابـــه

والمهدي ابد ماغاب عنه بيوم *** احنه اللي صبحنه اليوم غيابــــــــــــه

عليمن نعتمد لو شبت النيران *** واذا بعض التزامط ناس جذابــــــــــــه

وعليمن نعتمد لو هالعلم مخنوك *** واذا جان المعـــــــلم ناسي طلابــــه

وعليمن نعتمد لوما نوحد اصفوف *** وكل واحد حليبه يجيبه واصلابــه

على المذهب يشيعه تحوم هالعدوان *** وهجم بوم الظلام وينعك اغرابه

يردونه بغدرهم ننسه نهج حسين *** وماتبقه عليه اعيــــــــون سـجابه

وتريدك تبتعد عن حيدر الكرار *** وتنسه امعاويه وافعـــاله والقابـــــه

ويردونك ابد ماتذكر الاطهار *** وتنسه الي سكاهم ســــــــمه باعنابه

ويردون الخدم تنسه المواكب دوم *** وما تبقه خدم لحسين واحبـــابه

ويردون النسه اتميل وتهيم بعيد *** ويّضّيع المستحه كل عفته واحجابه

ويردون المجالس تنتهي وتذوب *** ونخضع للذبحنه ونرضه بارهابه

اوصفه جن سلف كل مجلس نسويه *** وعليه ليل ونهار تحوم سلابه

فكر ياموالي وشوف هالاوضاع *** زمانـــــــك لو عكـس يندار دولابه

انهض يامحب واتحزم حزامين *** ترانه بهــــالوكت كل ساعه بطلابه

مو عركة تفك وتهد عليهه بساع *** ولا عركة صديج ايعارك اصحابه

ولا عركة عشاير بالبخت وتفض *** ولا ثار واجـــاك اليوم طلابــــــه

اهي عركة عقيده ومعركة افكار *** وعليك اعداك كلمن حضر احرابه

وخل يوعه الغفه ويفكهه زين العين *** لو دار الزمن ما ينفعه اعتابـه

تدرون الوعي اسلاح واشد اسلاح *** يظل الياوكت كلولي بكرابــــــــه

تره بوعي العقول نحقق الاهداف *** واذا دربك صعب يفتحلك ابوابــه

ولا ينفع وعي من دون ابو السجاد *** وهنياله اليسجله حسين بكتابـه

واقسم بالبطل عباس راعي الجود *** من كلمة احسين اعداك مرتابــه

وبالوعي الحسيني وأيد ويه الايد *** كل ناصب عداوه انكطع اذنابــــه

ويظل حسين رمز وشعلة الاحرار *** ونظل نهوه الحسين ونعشك اترابه