[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

ثاري الرضيع إيطالب
ـــــــــــــــــــــــــــــــــــــــ
صابر وأنادي الغايب === ﮔلبي إبلهيبه لاهب
ثـــــاري الرضيـــــع إيطالــــــب
ـــــــــــــــــــــــــــــــــــــــــــــــــ
ياسيدي يبن الحســـــن == ما أنسه نحر الظامي
جمرة مصابه والمحن == مافارﮔــــــــت أيّامي
يبرد مُصابي ما أضن == إلاّ إمن أشوفــك رامي
ترمي المفاسد والفتن == وأدري إبفؤادك دامــي
من يومه – من يومـه == نحر الطفل من يومه
يشكي الظلم ياصاحــب === مازال ﻳﺑﭽـــي إيعاتب
ثـــــاري الرضيـــــع إيطالــــــب
ــــــ
أكتب قصايد بالدمع == والخط أبد ماشوفه
ﮔلبي إبونينه ينسمــــع == جُرحه القوافي إتروفه
روحي إلمُصابـــه تنفجع == من أمّه تمشي إتعوفه
وإيظل ﮔلبها منشلـــع == يمّه إو يداري خوفه
مهضومه – مهضومه == أم الطفـــل مهضومه
ﺗﺑﭽـــي أملها الخايب === وإيظل وريدي كاتب
ثـــــاري الرضيـــــع إيطالــــــب
ــــ
أنخاك ياإبن النبــــي == وإبكُل قصيده أكتبها
عاث إو تمادى الناصبي == دنيـــه إبغدر ما حبها
لَمْتَه فرجنه ياأبـــــــي == عيني دموعي إتصبها
لَمْتَه تُطبها الكربله == أرواح تنْخَــــــه ربها
وإتشيلــــه – وإتشيلــــه == ﺗﺑﭽــي الطفل وإتشيله
روحك تون وإتراقب === نبلــــة وريده الذايب
ثـــــاري الرضيـــــع إيطالــــــب
ـــــــ
ما أنسه يوم النحرته == نبلــــه إبحقدها إتريده
وإحسين ذابت مهجته == من شاف دم إوليـــده
جابه إو إجاها إبحسرته == إنطاهـــــــا طفله إبأيده
زينب أبد ما سألته == ليش الرضيـع إيعيده
معروفه – معروفه == آلامــــــه معروفه
سهم الرزايا صايب === روح السبــط وإيغالب
ثـــــاري الرضيـــــع إيطالــــــب
ــــ
تدري يبن حامي الحمه == بعد الطفـــــــــل أطفالي
ذبحوهم إو سيل الدمه == إبكُــــــل كتر يبرالي
إنهض يراعي الموزمه == أشكيلك آنـــي أحوالي
صارت حياتي إمغيّمــَه == كل يوم شر إﮔبالي
كفرونــــــه – كفرونــــــه == شيعـة علي إو كفرونه
والشيعي للحق صاحــب === ما ينسه حيدر غالب
ثـــــاري الرضيـــــع إيطالــــــب
ــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldkad77636.mp3.html