تجليبة سياسية واقع العراق
----
الدوا بس عد عبد فزعه يجي بسرعه
سو اعلان عنه وبالعجل وزعه
لو يم مرته نايم لو مشى لربعه
وما يدري بلوسي المرض يسريبه
اجلبنك يليلي اثنعش تجليبه
عبد ماله شرد من ساحة الملعب
والمثله صلف من عده اتعجب
لو صار الصدك كل ساع يتهرب
يكلي امبيرهم ما كادر يجيبه
هذا مو حجي واحنه اهل بترول
الغاز وي النفط شافطهن المسئول
ابن عم الوزير وعسى عمره يطول
ما اظني النزاهه تكدر اتجيبه
اجلبنك يليلي اثنعش تجليبه
طبوا بالسياسه ترى راح الخوف
والعاقل صبح من هالظلم ملكوف
كل مسئول صاير لي حرامي يحوف
واذا ننشر خبر سارع بتجذيبه
صباح الساعدي وي حيدر المله
عليهم خيرنه تهلهل فرد هله
حراميه الربع والهالوطن عله
وماضيهم نعرفه وزين ندريبه
وبعد شوف المصيبه والحجي اليقهر
عدنان الدليمي من صباح اكشر
خبير ارهاب ثاري وينكث المدور
واظن آخر خبر من عده اتصور
الرواتب ماشيه لجلابه الهيبه
عمي يا حكومة ملت الوادم
اقضوا اعلى الخيانة وهذا شئ لازم
علمونه بتطور حضرته ابن هاشم
شو عند الاكراد المن مخلينه
جيبوه للعداله وخل يكول شصار
اهو رئيس الدوله لو مع الثوار
الكتلوه بالكواتم والفروخ زغار
رواتب عاد رتبوا لفاجد معيله
------
الله واكبر شكثر تصبر يا عراق
الله عليك يا بدري رائعه هذه التجليبه العراقيه
حقيقة وكلها صدك من واقع الحال
اشوكت نخلص من ذوله الانذال
وانبني وطنه وانصير اله عمال
ونفديه با روحنا وكل الاموال
واننسه همنا والي جره علينه
اجلبنك يليلي اثنعش تجليبه
تجليبه سياسيه --- واقع العراق
العرض العادي
