[قاسم حتروش]

صون نفسك عـــــــــــل صبر دليها


لا شمــــــــــــــا رادت تهيل عليها


********


هواي كبلك طمعــــــت بهاي الحياة


حبة الدنية ونست يـــــــــوم الممات


عاشت بأجواء نشــــــــوه ومغريات


كوطرت والوكــــــــــت داس عليها


**********


لا تغرك هـــــــــل مظاهر والجمال


ولا الليالي الحمـــــر والعز والدلال


وين أهل السلطنة وأهـــــــل الخيال


صفت حفنة تــــــــــــراب ومغطيها


**********


وين عاد وين نمـــــــــــــرود ألبغه


وين فرعــــــــون وزيره اللي طغه


وين أبــــــــــــــو سفيان وبيا مدبغه


الكلب عاليهـــــــــــــا على واطيها


**********


كلب عاليهـــــــــــا على ذاك الوطه


وزيّف التاريخ صافيـــــــــــة خبطه


يقرب أبـــــــــــــــن ألزانية ويسلطه


والأحـــــــــــــــــرار بعيد يبعد بيها


***********


وينها ذيــــــــــــــــج الفئات الظالمة


وين أصحاب النفـــــــــــوذ الحاكمة


وكف ضدها الدهر وأشهــر صارمة


أنطاها للديــــــــــــــــدان تعبث بيها


************


وسئل المتوكل أبــــــــــــن الزانيات


وكله وين الخدم ويـــــــن الجاريات


وين عرشك راح ويــــن الراقصات


يمك بنـــــــــــــــــــار اللظه تلاكيها


*********


أخذ عبره مـــــــــــن يزيد وزمرته


وين سلطانه وقسوتـــــــــه وسلطته


عمره أيــــــــــــــام ونزلها ألحفرته


عاف ذيج ألفخفخة ومـــــــــــا بيها


***********


وين أبــــــــــن مرجانه كلي بياكتر


هم شفت واحــــــــــــــد ويندله كبر


بالله لو باجر أجــــــــه شينطي عذر


بيا وجه للطاهـــــــــــــــرة يلاكيها


**********


فاطمة يــــــوم الحشر هيه الخصم


بوجه مـــن ظلموها من أهل الظلم


تكله ربي أحكــــــــــم وليك الحكم


تحجي قصة كر بله ومــــــــا بيها


************


فاطمة تنشدها أمــــــــلاك ألسمه


أبيش أجيتي أتطالبي يــــا فاطمة


بسم أبوج النبي لــو حامي ألحمه


لــــــــــو جبد الحسن ألمكطعيها


**********


فاطمــة أتطالبي بثارات الحسين


لــو الباب اللي سكط بيها الجنين


ولنها ترفــــع بيدها يسره ويمين


جفوف أبـــو فاضل تحاجج بيها


***********


بجـت بنت المصطفى بعبره وتصيح


يـــــا ألاهي جيتك بكلب الجريح


شنهـــــو ذنب حسين عل غبرة ذبيح


وجثته ضلت محــــــــد مواريها


*********


تكلــــــــه أولادي جثث متكطعه


والجفيـــــل موذر عله المشرعه


وجم رضيع العيني شافـت مصرعه


وبالحبال الخـــــــــــدّر مجتفيها

هذه القصيدة من كلمات


الشاعر والرادود الحسيني


السيد


قاسم سعود عباس


الحسني

[رياض الرسل]

السلام عليكم

قاسم حتروش

موفق على هذه القصيده الرائعه كروعتك
دمت بكل خير وبركه


رياض الرسل

[نزار الفرج]

بسم الله الرحمن الرحيم
بوركت اخي قاسم حتروش وانت تحفنا بقصيدة رائعة
سلم مداد مضمخ بحب اهل البيت الاطهار عليهم السلام
رحم الله من احيا امرنا قالها صادق آل محمد عليه السلام
هنيئا لكم ..
اخوكم ابو محسد نزار الفرج النجفي

[قاسم حتروش]

حبيبي أبو محمد النجفي (( نزار الفرج ))
كلامك رائع لأنك أنت روعة
بس أني منوه بالقصيدة أنها للشاعر والرادود الحسيني
السيد قاسم سعود عباس الحسني
وليس كلماتي
خادمكم
تحياتي

[قاسم حتروش]

حبيبي أستاذ رياض الرسل
شكرا جزيلا على هذا التعليق الروعة
بس أنى منوه أنه القصيدة
للشاعر والرادود الحسيني
السيد قاسم سعود عباس الحسني
تقبل تحياتي
خادمكم