.. شمس الحقيقة.. قصيدة لحيدر الرماحي

احمد آل مسيلم · بتاريخ : 05-08-2011 الساعة : 11:17 PM

" شمس الحقيقة " ..... حيدر عبس الرماحي

أريد أقراك بـس مو عل الروايات .....
وأريد أفـــهم بقاءك عن قناعه
وأريد ألـغي الحواجز والمـسافات .....
وأشـوف حسين طايح كبل ساعه
وأريد أجرّد وألـغي المــيولات .....
واعوف الفـطرة عمدا والشفاعه
لمسناك الشمـس فوك السمه تبات .....
وظلمه الكــاع واعتازت شعاعه
ولمسنه أيامـنه جور وجراحـات .....
ولكينه الصــبر كاروك المجاعه
وهم هذي الحيــاة وطفك اثـبات .....
ودمّك ثبّت اركان القــــناعه
حزّوك وصرت ســكّه ومسافات .....
وحدّوك وصـرت رقّاص ساعه
وضــموك وصرت كبه ومنارات .....
ودفنوك وصــرت سبّاح طاعه
وذبــحوك وعلـيت وسيفهم مات .....
إذن يا سيف حزّك هاي اشــاعه
والسهم المثلــــث مو سهم فات .....
شجاع وقلدك نوط الشـــجاعه
ويّه الموت راضــع جور واهات .....
وصار الموت أخوك وبالرضاعه
سفينه انته وطبيعي اتشوف روجات .....
وعلى الفـــلاح عاديّه الزراعه
فزت يحسين بس مو بنتخابـــات .....
وما عدّك فضــــائيه وإذاعه
وكلنــــالك نعم مو بالشعارات .....
وعلي وياك وعلـي كنّاها اطاعه
لجلك خالق الـــباري السماوات .....
ونظام الكـون هذا اوهل لصناعه
لملمت الزمان وصــار لحظات .....
وبكبرك جـــمعت الكون قاعه
الزمن كله اختصرته بسبع ساعات.....
وملكت الدنــيا كله بربع ساعه
الكاع مسرطنه ومحتاجه جرعات .....
ومن دمّك خذت جـرعه ومناعه
علينه اتــلوك بس للغير هيهات .....
وبس ثوب الشرف كد عل الشجاعه
شكبر هيهات لا لــلذله هيهات .....
وكلمة لا فقط من اخــــتراعه
عليه استــنسخو يحسين لاءات .....
بس وين البدع وين الــــبداعه