[خالد محمد مهدي]

مجلس عزاء الشهيد الحر ((زيد بن علي )) عليهما السلام
التمسكم الدعاء

((25))
(( زيد الشهيــــــــــد)) عليه السلام
****------------------------****
أمشونه الزيد الثائر نزوره نكحل عيونّه من فيض نوره
هذا العابد أبن العابد الحر
علّمنه عله الظالم منصبر
-------------------------
تحدَّه الظلم بيمين الاراده يقينه ثابت أيلاكي السعاده
للأحرار يبقه القتل عاده ووسام الفخر يوم الشهاده
شهر سيفه بوجه ظالم زمانه
لجن الدهر ماعاونـــه خانـــــه
من صدر المنيَه راضع الدر
---------------------------------------
بساحات الفخر أنصاب راسه وسهم جبهته بي كطعت أنفاسه
عبرها المرجله أو زايد قياسه تحدَّه الظالم أو كرسي السياسه
بطل مايقبل الذله أعله نفسه
حـد السيف كلماته أو حسّه
لجل مبداء الدين أتجرّع المُر
---------------------------------------
سهم الصابه راواه المنيَّه وخفوا جثته من جور آل أميَّه
لكن ظلوا أولاد الدعيَّه عليه أيدوّرون أبكل ثنِيـــــــه
سفياني الحقد وآكلة أكباد
السقيفه عله زيد اليوم تنعاد
شريعتهم أبقتل أطفالنه أتقر
----------------------------
من جرف النهر طلِّعوا جثته على جذع النخل صارت دفنته
كل كلب اليشوفه دم دمعته سنين أربعه ظل راكب مهرته
ذاب اللحم والدم صفه جسمه
حته الطير عشعش وسط عظمه
ماضي أو حاضر الطف بيه نذكر
-----------------------------
سنين أعله الجذع هيكله شامخ حته العظم بالايمان صارخ
بعقول الناس ظل موقفه راســخ ماطاوع الذلّه ولها راضـــخ
رجع نمرود لجله حضَّر النار
وذرّوه الرماد بكل الاكتار
عله أحياء ذكره شيعته أتصر
-------------------------
طالع أقره أنواع المصايب عجيبه أنشوف بيها من العجايب
يصّورون الظلم قادر أوغالب لاتوكف بوجها اولا تطـــــــــــالب
مثل حسين ثار وحيا دينه
ياجور السقيفه أشعمل بينه
دوم الدم يظل للنور يبصر
************************************************** ***

((لسان حال زيد الشهي)) عليه السلام
ذكرونـــــــي
***--------------------***
ذكروني ذكروني ياشيعه ذكروني
والراس فارك جثّته ياشيعه ذكروني
***************
أنظر يشيعي مصيبتي خـــــل تهمــل العين
عشعش الطير بجثتي ظـــــل أربـــع سنين
مسلَّب وعاري من الهدم جن جــدي لحـسين
واسوا الزجيه بهظمتي وجدّي ابو الحسنين
واسوني واسوني بالدمع واسوني
هذي يشيعه مصيبتي ذكروني ياشيعه
****************
هذا الحقد عدهم وصل هل الكّوم الاشرار
ماكفَّه جسمي ينصلب وبراســــــي يندار
بعد الصلب اهل الكفر حرگوني بالنــــــار
مارادوا أيضلّي أثر لوگبر ينــــــــــزار
گصدوني گصدوني تعنّوا وكصدوني
صبّوا الدمع يم گبّتي ياشيعه ذكروني
************************
بسم الغدر راسي أنرمه وأثّر عليَّـــــه
وبوسطه للماي أندفن من آل أميّــه
هشام بن عبد الملك نسل الدعيّه
آمر وطلعوا جثّتــــــي ومثِّلوا بيَّــــه
صلبوني صلبوني عالجذع صلبوني
يامحب هذي حالتي باشيعه ذكروني
******************
أهل الرساله أحنه نظل تشهد الأيـــــــام
أبواب رحمه مفتّحــــــه تسعد المنظــــام
وعلينه تدرون الجــــره بجُورت الظـــــلآّم
حسِّبوا مايبقه الأثـــــــر وعين الله متنــــام
ذبحوني ذبحوني بالظلم ذبحوني
خالده تبقه ثورتي ياشيعه ذكروني
********************
يامه فتن بيكـــــم تمر اصعب من المُر
خسران كلمن ماصبر بطاعتنــه يصبر
لابد يهل يوم الفجــــر وتبرد الحســـره
بالغدر يندار الزمــن ويبتلــــي بغدره
نصروني نصروني بالصبر نصروني
وتنجلي عني محنتي ياشيعه ذكروني
**************************************

لسان حال زيد الشهيد عليه السلام
زيد آنه أنا المصلوب
********************
ثرت لجل العداله ونصرت المظلوم مثل جدّي الحسين العزم منَّ اليوم
وݘن ݘفوف ابو فاضل تلاوي الكوم بسهم الغدر والاحقاد صابوني
*********
صابونـــــي وخذها الروح سهم البيــــن صرت مثل الغريب الثار جدّي حسين
وعلى جذع النخل جسمي يظل سنين عاري من الهدم ياناس صلبوني
*********
صلبوني وصرت قدوه الدرب أحـــــرار وجسمي صار فرجه للنظر والمار
حتّه عظامي حرگوها بلهيب النـــــار رغم عدانه ياشيعتنه ذكروني
************
ذكرونـــــــــي بدمع مثل الدمه نهران وذكروا مصيبتي وشدتها للنيران
وذكرو حسين جدي الظل عله التربان العلي السجاد واسوا اليوم واسوني
*****************
واسوني برفضكم ظيم كل مغرور وصيروا الدينكم سيف العداله وسور
يجي يوم وعليكم يظهر المنصور يموالين أوصَيكم لتنسوني
*************
لتنسوني ومصيبة جدّي ذكروها سنين أربعه جثتي بنخله صلبوها
بنار الغيض أمِّيه بحق حركوها رادوا كّبر مايبقالي ذرّروني
************
ذرّوني بهمب الريح بالوسعه خلوا العين دمعه تصب أثر دمعه
لابد يوم تاخذ ثارنه الرجعه الصبر ليفيض ذاك اليوم تانوني
************
تانوني بصبركم نصرة العتره وبيوم الفرج خل تفرح الزهره
هذا اليوم أوانه الصاحب وفجره أهل ياليتنا كلكم تنصروني