[قاسم حتروش]

يبن خيـــــر العباد **** أمتلت جور وفساد
وأصبح المعروف منكر والأمر بيد الطغاة
وهاي أحبابك يغالـــــي ترتجي بيك النجاة
*********
هاي دنيانه أمتلت جـــــور وظلم
بيد أحفــــــاد السقيفة يـــــــا شهم
صابو الإســــــلام جم سهم وسهم
دينكــــــم منــّه بقــــــه بس الاسم
رعب صاب العبــاد **** وأظن حــان المعاد
شيـل سيفـــــــــــك وأكصد الصوب الفرات
وهاي أحبابــــــك يغالي ترتجي بيك النجاة
**********
جــــــور مليانه الأرض يــا سيدي
حايــــر شأحسبلك منيـــــــن أبتدي
أبـــــــدي باليذبــــح أحبابك يعتدي
لــــــو بــــــذاك الحارب المعتقدي
نفس ذيـــــج الفلول **** ألتعـــدت عالرسول
وحاربـــــت آل النبــي وكــــــــــــــل الأباة
وهاي أحبابك يغالـــــي ترتجي بيك النجاة
***********
مــــن السقيفة والصنم عدهم نبض
أتريــــــد تجعل منه عالعالم فرض
تنشــــره عالناس ملــّـــتهم الأرض
الغاية معروفـة ومعـروف الغرض
تريد أهــــل الظلام **** نهي ديــــن السلام
وهبــــــل يرجــــــــــع ينعبـــــــد ويا اللات
وهاي أحبابك يغالــــــي ترتجي بيك النجاة
**********
فكـــــر إسرائيلي هـــــــــذا ونعرفه
ديـــــن فرعــــــون بصفاته أنصنفه
مثـــــل نمرود وجنــــــوده أنوصفه
مــــــن طواغيت الزمن ماخذ صفه
الفكر هــــذا مخيف **** يحارب كل شريف
ينشر الــــــذل والمهانة دمر فصول الحياة
وهاي أحبابك يغالــــــي ترتجي بيك النجاة
**********
هــــل فكــــر مليان أحقــاد وضغينه
وأحنه يــــــــا مولاي بأحقاده أبتلينه
لأن نتبـــــع للوصي حيــــــدر ولينه
وعلى حبكـــــم سيدي عشنه وربينه
يضل هــــــذا الولاء **** عـــــز إلنـه وإباء
حتى لو متنه عله حبكم والله يا محله الممات
وهاي أحبابك يغالـــــي ترتجــــي بيك النجاة
**********
عجــّــل بجيتــــــــــك يبن خير العمل
خلص صبر أحبابــك وحـــــده وصل
بيك أحنــــه سيدي عقدنـــــــــه الأمل
داوي كــــــــل جروحنه وأشفي العلل
جيتــــك يا لحبيب **** دوه إلهـــا وطبيب
يله يبن الحسن يله كــــــــوم أنهى النايبات
وهاي أحبابك يغالـــــــي ترتجي بيك النجاة
************
جــرح بينه وأبـــــــد ميطيب الجرح
لا ولا كســــــــــــر اللي بينه ينصلح
حتى لـــــو يشفه الأثر مــــــا ينمسح
إلا يتنفــــس بطلعاتـــــــــــــك صبح
وترد إلنــــه وتعود **** وعالعالـــــــم نسود
وتملــــي كـــــــل الأرض بـــــــــــر وطيبات
وهاي أحبابك يغالـــــــي ترتجي بيك النجاة

بقلمي
خادم الأطهار (ع )
قاسم حتروش
أسألكم الدعاء

[تلميذة الحسين]

السلام عليك سيدي يا ابا صالح

شعر جميل ورائع

[قاسم حتروش]

اقتباس : المشاركة الأصلية كتبت بواسطة تلميذة الحسين [ مشاهدة المشاركة ]

السلام عليك سيدي يا ابا صالح شعر جميل ورائع

تلميذة الحسين
السلام عليكم ورحمة الله وبركاته
شكرا جزيلا لمروركم
تحياتي

[عدنان منعم]

موفق بحق محمد وال محمد

[قاسم حتروش]

اقتباس : المشاركة الأصلية كتبت بواسطة عدنان منعم [ مشاهدة المشاركة ]

موفق بحق محمد وال محمد

يوفق الجميع أن شاء الله
تحياتي