يا ابن آدم
--------
يا ابن آدم جوز من هذا العمل
شتحطب بايدك على ظهرك تشيل
اتفكر بوضع الوكت كله عبر
لوتدوم لطه خلاها الجليل
شوف وزنك ما يجي ذره لجبل
ولا جزء من ذره عمي الله الوكيل
استغفر لذنبك قبل جر النفس
ترى استغفارك دوى القلب العليل
ايام محسوبات وي دكت القلب
شتضرب شتطرح يجي نفس الحصيل
باجر بحفرة شبر فوكه شبر
ولو تصير اكثر اشوفنها قليل
من يصير حساب باجر بالحشر
واليحاسب غاد حماي الدخيل
اتذكر الموقف وصورة هيئته
بين ايدين الباري البر الجليل
والشهود عليك من نفس البدن
تنطق اشسويت ميفيد العويل
والرسول يقول بلغت البشر
ويمه ابو الحسنين وبايده السبيل
-----
بقلمي
يا ابن آدم
العرض العادي
