[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

واحمزتــــــــــــــــــــــــاه
ـــــــــــــــــــــــــــــــــــــــــــــ
واحمزتاه – واحمزتاه === ولاحمزه لِيَ يحضرْ
واحسرتاه – واحسرتاه === فؤادي قد غدا مجمرْ
ــــ
بعد سيف الحِمَه الحمزه == ﺑﮔيــــــت آني ولا ناصر
هذاك إلمن ذكر رمزه == يمـوت الباغي والفاجر
بلا حامي وحيد آني == للهــم أحتمـــل صابر
واحسرتاه – واحسرتاه === رمانــي بالرزايا الشرْ
واحمزتاه – واحمزتاه === ولاحمـزه لِيَ يحضرْ
ـــــ
آني المُرتضه الكرار == يريدونــــي أبايعهـــــم
وإﺑﮔلبي لهيب النار == مـن جمرة سقيفتهم
يريت الحمزه يمّي اليوم == يكشفهـــــــا فضيحتهـــــم
واحسرتاه – واحسرتاه === جفانــا الحمزةُ الأطهرْ
واحمزتاه – واحمزتاه === ولاحمزه لِيَ يحضرْ
ــــــ
أسد الله إو رسول الكون == سمّــــــــاه النبي المختار
عمّي البلوغى مَيْهون == وإسمه يرهب الأشرار
أجيب إمنين مثله اليــوم == يصير إوياي نور إو نار
واحسرتاه – واحسرتاه === بدا غدرُ الدُجى يظهرْ
واحمزتاه – واحمزتاه === ولاحمزه لِيَ يحضرْ
ــــ
لو حمزه يشوف الصار == ما يصبر يشيل السيف
يمحي كُل أثر بي عار == ما ﻳﮔدر يشوف الزيـف
يشفي كُل ﮔلب محتـار == يراويهم جحيم الصيف
واحسرتاه – واحسرتــاه === مشى عنّي صليلُ البَرْ
واحمزتاه – واحمزتـاه === ولاحمزه لِيَ يحضرْ
ـــ
أسف راح الأبَه والـــزود == سيف الحق أبو الطيبات
زمانه ما أظنّه إيعــــــــــود == ﮔضه عمري أجُر حسرات
غاب البي يعيش الجود == حمـزه الماوهن هيهات
واحسرتاه – واحسرتـاه === بكى سيفي أنا حيدر
واحمزتاه – واحمزتـاه === ولاحمزه لِيَ يحضرْ
ــــ
للبيعــــــــه يريدونــــي == ياعمّي يبو النوماس
غصب ياعمّي أخذوني == نكروني هذوله الناس
يريتك بالحصل عوني == تسَكّتهُــــم يرفعة راس
واحسرتاه – واحسرتـاه === أيا عمّي الردى أسفرْ
واحمزتاه – واحمزتاه === ولاحمزه لِيَ يحضرْ
ــــــــــــــــــــــــــــــــــــــــــــــــــ ــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldqov47055.mp3.html