[زكي الياسري]

قصيدة ثارك ثاري
وهي مشتركة بيني و بين الشاعر المبدع الاستاذ ابو تراب الأحسائي حفظه الله تعالى و ثوابها لكم و الى اموات شيعة امير المؤمنين سلام الله عليه من لا ذاكر لهم يذكرهم
و نسألكم الدعاء

يا آهاتي ابليل الاحـــــــزان .. نارك ناري
راسَـك لو مَصيوب القــــــــــرآن ؟؟ ثارك ثاري
يا حيدر لتخلينـــــي... بس دمعاتي اتواسيني
يا حيدر يا كرار .. يا حيدر يا كرار
1
ويلي وا ويــلاه .. من عــذاب الآه .. يا ريت الخـمــدت أنفاسي
ءالحَـسـن آنــه .. بكَـلبي واشجانه .. أعتب علسيف اشكَـد قاسي
أخمَد انفاســــك .. مِــن طبر راسك .. چن جرحك يا بويه ابراسي
بويه بصـوابـك .. يبچــي محـرابك .. أسمــع ونــّـــاته ابإحساسي
يا بويه و دمّك لمّن ســـــال .. نارك ناري
أسمع مِحرابك تدري اشكَال ؟؟ ثارك ثاري

عكَبك بويه ايغدروني .. و ابسَم بويه ايسِموني
يا حيدر يا كرار .. يا حيدر يا كرار
2
بويه آنه احسين .. صبر آجيبـه امنين .. لو عني تِرحل يا غالي
ترحل الآمـــــــال .. و الحِـزن ينهـــــال .. يفجر بـُركــــان ابـدلالي
يا عمود الـــــدار .. يا علـي الكــــــرار .. فكَـدك ما مر يوم ابــّالي
بويه و الآهــــات .. تنكَـــلب جمــــرات .. تـنثــر علخد واقع حالي
بيني او بينك يا بويه ادمـــوع ... نارك ناري
شنهو ايداوي اكَليبي المفجوع ... ثارك ثاري

عكَبك بويه ايذبحوني ؟؟ وامن الماي ايمنعوني
يا حيدر يا كرار ... يا حيدر يا كرار
3
انته كل ذخري .. كل امل عمــري .. عكَبــك منهـــو ايحِل شِدّاتي
بويه اْنه زينـــب .. جَمــِرتي تـِـلهب .. هاك اسمع ونّي و شهكَاتي
وابكَلب مجروح .. شلون عني اتروح ؟ شلـون اتخليني ابمأساتي
لا فلا انســــاك .. ما أمِل ذكـــــــــراك .. مصحوبه ابوَنّي و آهاتي
مِن عـﮕب امي و حـﮕـها المَغصوب .. نارك ناري
شافت عيني راســـــــك مضروب .. ثارك ثاري

عكَبك تدري يــِسْبوني ؟؟ لرض الشام ايودوني ؟
يا حيدر يا كرار ... يا حيدر يا كرار
4
ابيات الاستاذ ابو تراب الاحسائي
يم اسد خيبر .. يفجع المنظر .. ﭽف و جود ينوح و رايه
الـﮕمر بايدينه .. دمعة سكينه .. اينادي الوالي احترت ابهايه
اعتذر بويه .. لو وﮔـع خويه .. و داسوه ما املك يمنايه
سامح اﭽفوفي ... انه كل خوفي .. ايموت الخدر اِبـْـلمسنـّايه
اِلـْخدر الحوره ايظل يبـﭽـي اِلـْواي .. نارك ناري
باﭽر يفزع ويايه الماي .. ثارك ثاري

جفني اِلـْمتفجّر دمعه .. اعليك و لحسين و ضلعه
يا حيدر يا كرار .. يا حيدر يا كرار
5
عد سرير الموت .. بحرﮔـه يطلع صوت.. افداك انه و كل ابنيني
ارحم دموعي .. جمرة ضلوعي .. من اسمع آهك تـﭽويني
برحمِتـَك ربي .. شِد جرح ﮔلبي .. ويفـﭻ حيدر عينه بعيني
آنه أم لِبْنين .. بحق ونين حسين .. يا بو اليمـه لـَتْخليني
بكل نبضه بدلالي المحروﮒ نارك ناري
لون العيد بفـﮕـدك مسروﮒ ثارك ثاري

ضحكة عيدي المسروﮔـه بفـﮕدك ماتت مخنوﮔـه
يا حيدر يا كرار يا حيدر يا كرار
6
امن السمه الدمعه .. هزّت الوسعه .. ويّه الأيتام اتهل حمره
بين لايتامه .. بـﮕلب بآلامه .. فاطم تلطم فوﮒ السطره
يا علي اتـﮕلـّه .. اتوسّلت لله .. بحق ضلعي تسلم للعتره
لا ﭽن المحسن .. للقاء ايحـن .. راد اتصوم الباقي بكتره
ضلعي أيـﮕـلك يا حامي الجار ... نارك ناري
بالمهدي اخذ لك هل ثار ... ثارك ثاري

يا حيدر ضلعي و كسره .. فدوه لآلام الطبره
يا حيدر يا كرار يا حيدر يا كرار

لخدّام أهل البيت " ع "
السيد زكي الياسري النجفي
و
أبو تراب الأحسائي
7/9/1433هجري

[كريم السعبري]

مولاي الياسري
ابدعت وموفق انشاء الله
وابو تراب جميل شعره
في ميزان حسناتكم
السعبري

[ابوتكتم الخير]

الكبيرزكي الياسري والمبدع الأحسائي
عظم الله لكم الأجر
ابيات رائعة كتبت في صحيفة أعمالكم
مأجورين

[زكي الياسري]

حياك الله ايها المبدع السيد كريم السعبري
عظم الله لكم الاجر

[زكي الياسري]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

الكبيرزكي الياسري والمبدع الأحسائي عظم الله لكم الأجر ابيات رائعة كتبت في صحيفة أعمالكم مأجورين

استغفر الله مولاي
انا اقل من اطرائك بكثير يا حبيب القلب
عظم الله لكم الاجر بهذا اليوم الحزين

[البدري14]

احسنت سيد زكي وبارك الله بيك
وبالاخ ابي تراب الاحساءي
موفقين لكل خير
تقبل مروري بود

[كاظم المياحي2]

خادم الحسين ع الحاج كاظم المياحي الناصري

بسم الله الرحمن الرحيم

اللهم صل على محمد وال محمد الطيبين الطاهرين {1}

معذور يكتب شـــــــــــــــعر

واليحجي بيـــــــــــــــــــه معذور

ابحرگه وآلم ينـــــــــــــــــــــوجر

خبزه ابسط تنـــــــــــــــــــــــــور

هذا اللي يكتب شــــــــــعر

مثل الغرگ ببـــــــــــــــــــــــحور

غرگان طـــــــــــــــــــــول العمر

ما شله الناعــــــــــــــــــــــــــور

وحـــــــــــــــارس يظل للفجر

حر وبرد نـــــــــــــــــــاطور 2

ودمعاته صــــــــــــــــارن حبر

وگلبه ورق وســـــــــــــطور

مكتوب بيــــــــــــــــه القهر

بيه القهر محفــــــــــــــــــــــــور

شيمسحــــــــــــه هذا الحفر

وحفاره بيـــــــــــــــــــــــه أيجور

ومــــــــــــــــــــــلاني حتى الصبر

واصاحوا علي مسحـــــــــــور

هذا اليحب البشـــــــــــــــــــــر

طول العمر مقهــــــــــــــــــــــــور

وگلبي انســـــــــــــــــــــحر ب 12

و12 كلهم نــــــــــــــــــــــــور 3

اشلون اوفي الــــــــــــــــــــــــنذر

خلصت روحي انـــــــــــــــــذور

وفاطم وبــــــــــــــــــــــوها الفخر

بالحشر الكم ســـــــــــــــــور

اكتب بلا ي عســـــــــــــــــــــــر

عسر اليود معســــــــــــــــــــــــــور

هناك الوصي بالحشــــــــــــــــــــر

اعلينا هو أيـــــــــــــــــــــــــــــــدور

ويصيح بيدي الامـــــــــــــــــــــر

ياشيعة المنصــــــــــــــــــــــــــــــــور

للشيعه راسي انطــــــــــــــــــــــــــبر 4

وانتم دوى المطــــــــــــــــــــــــــبور

واحنــــــــــــــــــــا النجبر الكسر

خـــــــــــــــــــــل يفرح المكسور

وبگلبي الكم مــــــــــــــــــــقر

وبالجنــــــــــــــــــــه الكم دور

كوثرنـــــــــــــــــه الكم نهر

خلوا الفرات يغــــــــــــــــــــــــــــــور

خادم الحسين ع الحاج كاظم المياحي الناصري

[زكي الياسري]

العم العزيز ابو تركي البدري

شكراً لمرورك العطر و عظم الله لك الاجر
وحشرنا و اياك في ركب المخلصين الموالين لابي الحسن عليه السلام

[زكي الياسري]

حياك الله يا شاعرنا الحاج كاظم المياحي على ابياتك الاكثر من رائعه

[ايمن النجفي]

السلام عليكم ورحمة الله وبركاته

الله الله ماهذا الابداع سلم وحيك الجميل