[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

يزينب ياغريبه
ــــــــــــــــــــــــــــــــــ
يزينـــب ياغريبــه === مُصيبه إبسد مُصيبه
عليهم لاتعتبيـــن === إخوﺗﭻ هم بعيدين
مُصيبه إبسد مُصيبه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
يزينب لاتعتبين العتـــــــب راح == يِهَيج إجروح بالزهره الزﭼيّه
يزينب كُل موالي الحاﻟﺗﭻ ناح == غريبـــــــه إبدار غُربه يانقيّه
ضرﻳﺣﭻ عالبُعد تهواه الأرواح == تريـــد إتشوف أنوارﭺ زهيّه
إذا يوصل إﻟﭻ ﮔﻟب المُحب صاح == إﺟﻳﺗــــــــﭻ ما أخاف الناصبيّه
إﻟﭻ أحمل حنينــــي === أظل عمري إو سنيني
يزينب لاتنوحيــــن === إخوﺗﭻ هم بعيديــــــن
مُصيبه إبسد مُصيبه
ـــــــ
يزينب ياعقيلـــة حيـــــدره اليـــــوم == غريبه إو هل صُفيتي إبديرة أغراب
مثل أﻣﭻ صُبرتي إو شلتي إلهموم == وحيده إبلا أهل ما عندﭺ أحباب
أخوﭺ إبكربله العباس موسوم == تنادينـــه ﻛﻔﻳﻟﭻ كوكب إنصاب
وأخوﭺ إحسين نوره الصار معلوم == يشـــــــع إبكربله زاهي ولا غاب
يبت سيد البريّـــــه === لفت ﻟﻳﭻ المنيّـــه
لا عباس لا إحسين === إخوﺗﭻ هم بعيدين
مُصيبه إبسد مُصيبه
ـــــــــــ
يزينـــــب ياعَلَــــم ثــوره إو تخلّد == لسان الحق فُضح أفعال الأشرار
يزينب يانبــــع يجري المُحمـّد == كلام المُرتضه الفيّاض أنهار
يزينب باب إنتِ إو دوم مَنْسَـــد == للخير إنفتح من حامي الجار
يزينب ياصبُر فاق الصبُر صد == شماتــة كُل أميّه والعدو حار
شموخ العز صُفيتي === جبل عالي ﺑﮔيتـي
عزيزه دمعة العيــن === إخوﺗﭻ هم بعيدين
مُصيبه إبسد مُصيبه
ـــــــ
يزينب حسرتي إبروحي تشب نار == من أذكــــر مُصـــاب الغاضريّـــه
أﮔولن بس جسد زينب مشه إو سار == روح الطيبــــه ظلــــــــّت رميّــــه
تدور إبكربله ما بين الأبرار == تشم إحسيــن والساﮔي أخيّه
تعانق روح أبو السجّاد تحتـــــــار == تشوف إعلى الجسد ظِل الزﭼيّه
تِفَيّيلــــه الشفيعـــه === تناديها إبفجيعـــه
يزينب رحتي لاوين === إخوﺗﭻ هم بعيدين
مُصيبه إبسد مُصيبه
ـــــــ
يزينب واجب إعلينه نناديــــه == يحسين العقيله اليوم بالشام
أبو اليمّه إبدمع جاري نعزّيــــــــه == على إمصاﺑﭻ يزينب نلطم الهام
وابو الحسنيين واجبنه نواسيه == مآتـــم نُنصب إبحسرات وآلام
وأبو الغيره الشهم عباس نِتْنيــــــه == يشاركنه المُصاب إبشوﮒ وأحلام
يشاركني إبعزائــــي === إلَه حُبّي إو ولائي
يزينب واجهي البين === إخوﺗﭻ هم بعيدين
مُصيبه إبسد مُصيبه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld1n714568.mp3.html

[غصات الحنين]

شكرا اخي جابر على ماطرحت
اجرك الله واثابك خير الثواب

[زكي الياسري]

المبدع الشاعر جابر النجفي
من اروع قصائد الولاء
اللهم ربي يوفقك
صور حزينة و لها وقع أليم على القلب الموالي

[جابر النجفي]

اقتباس : المشاركة الأصلية كتبت بواسطة زهراء كربلاء [ مشاهدة المشاركة ]

شكرا اخي جابر على ماطرحت اجرك الله واثابك خير الثواب

ــــــــــــــــــــــــــــــــــــــــــــــ

بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه زهراء كربلاء
أشكركِ وعظم الله اجوركِ

[جابر النجفي]

اقتباس : المشاركة الأصلية كتبت بواسطة زكي الياسري [ مشاهدة المشاركة ]

المبدع الشاعر جابر النجفي من اروع قصائد الولاء اللهم ربي يوفقك صور حزينة و لها وقع أليم على القلب الموالي

ــــــــــــــــــــــــــــــــــــــــــــــــــ ــــــــــــــ

بسم الله الرحمن الرحيم
اللهم صل على محمد وآل محمد وعجل فرجهم
شاعر اهل البيت المبدع زكي الياسري
اشكرك وعظم الله اجورك

[علي مالك البكري]

شكرا لك ولطرحك الرائع