[القلب الاسير]

عليك الروح يامظلـــــــوم لاجت

اشكثر صرخت رقية اعليك لاجت

جبتها الراسك ويــــاريت لاجت

على شيبك يخوية تموت هية

*************

طفلة بالدمعة سبوها ..... هلت الروح اعلى ابوها

من رقية .... بهالمسية

هلت الروح اعلى ابوها

طفلة من هلت دمعها .... بيها صوت حسين وينــــك

اه يا بوية الليالــــــي .... مدت الاه البــــنيــنـــــك

وانه دونك يطفة عمري .... وتطفة عيني الشوكَـ عينك

شلي بعيوني ابغيابك .... روحي تغفـة بفــي حنينك

والجرح كل عمري شدا .... لِـمة بوية بدمعي هدا

عالمنية ..... بهالمسية

هلت الروح اعلى ابوها

تدري يحسين بغيــــــابك .... ماهدت عيني بدمعهــا

وانه اشوف دموعي تجري .... رسمت الزهرة وضلعهـا

فوك خدي بلـــــون احمـر .... من دمع كلبي الجمعها

تشكي روحي ابعين امك .... بالطشت راسك فجعهــا

كسرت الدمعة اعلى خدها .... وشبت النار وبعدها

عالهوية .... بهالمسية

هلت الروح اعلى ابوها

احنة ندري عيـون تنزف .... من دمع ويهل مطرها

ومن رقية ارسمنة صورة .... انجمعت بدمعة قدرها

بلوحــــــة القرءان تقرة .... من جسد يوكع عمـرهـا

بجنة الباري وضيـــــاءة .... طاحت الروح بصورهـــا

لونت حزن العقيلة .... من جفن مهدود حيلة

بلا ثنية .... بهالمسية

هلت الروح اعلى ابوها

طفلة وزغيــر عمرهــــا .... انظربت بسوط ال امية

زهرة حسين وعطرهـــا .... فاطمة الزهرة الزجية

شكد عجيبة الموت اجاها .... وجتف الروح الزكيــة

ما خجل يوم العرفهـــا .... وقيد جفوف المنيـــــة

اشكد جرئ اعليها قدم .... راس ابوها وماتندم

والسبية .... بهالمسية

هلت الروح اعلى ابوها

حضنت الروح العقيلــة ..... زينب اتنادي ييمــة

كومي عن راس الكرامة .... لاتهيجي جروح همـة

ونت الطفلة الغريبــــة .... اتكلها عوفيني يعمـة

ارد اضم كلبي وحياتي .... بوردة الزهرة واشمـة

وسكتت الطفلة الحزينة .... وطاحت الروح الحنينة

الفاطمية ....بهالمسية

هلت الروح اعلى ابوها

************

جرح دلالي هاك اخذة وسكنة

كلبي للحزن دارة وسكنــــة

تنوح اعليك اطفالك وسكنة

تلوج اعليك والماتت رقيــة

**************

خادم اهل البيت ع

الاقل

احمد رفيش

[زكي الياسري]

الشاعر احمد رفيش
قصيدة رائعة بكل مقاييس الألم
و ابوذيات بديعة لا شك انك كتبتها بدموعك قبل مدادك العطر

تحية لكل حرف من حروف هذا الرائعة
و لا حرمنا الله من عبير هذا اليراع اللامع

[نزار الفرج]

بسم الله الرحمن الرحيم
لاخي احمد رفيش اطيب السلام
بوركت ايها الشاعرالمبدع وانت ترسم لوحتك الحزينة الرائعة
تقبلها الله منك وحبيبة الحسين عليه السلام رقية عليها السلام
دعائي
اخوكم

[ابوتكتم الخير]

جرح دلالي هاك اخذة وسكنة
كلبي للحزن دارة وسكنــــة
تنوح اعليك اطفالك وسكنة
تلوج اعليك والماتت رقيــة
السلام عليكم
الأستاذ المبدع أحمد رفيش
قصيدة تبكي القلب قبل العيون ونعي بأسماء
يجري لها الدمع قبل ذكرها
سلمت يمينك وعاش قلمك لأهل البيت مدونا
موفق بحب علي

[القلب الاسير]

الاخ الفاضل
زكي الياسري
وفقنا الله واياكم لخدمة الال ع
تقبل تحياتي وفائق مناي
الاقل
احمد رفيش

[القلب الاسير]

نزار الفرج
الاخ الفاضل
لمرورك القيم اهديك فائق شكري وتقديري
مع ودي واعتزازي
تقبل تحياتي ومناي
الاقل
احمد رفيش

[القلب الاسير]

الطيب والعزيز والغالي
ابو تكتم الخير
ايها المبحر في بحر الحسين على اشرعة سفينته
لك ودي واعتزازي
شكرا لمرورك القيم
تقبل تحياتي وفائق شكري وتقديري
الاقل
احمد رفيش

[غصات الحنين]

ابوذيات اتكطع الكلب
جزاك الله خير اخ احمد رفيش

[كريم السعبري]

اخي الحبيب الكبير الكبير احمد رفيش
السلام عليكم
اخي لم تبقي شيئا لنا نكتبه كل موضوع لكه فيه الباع الاطول
موفق موفق انشاء
خادمك السعبري

[قاسم حتروش]

الكبير الكبير أحمد رفيش
أحسنت ايها المبدع جزاك الله خير الجزاء
أنالك الله زيارة مولاتي رقية في الدنيا وشفاعتها في الأخرة
تحياتي