[صادق العارضي]

امـــــــــــــــــــــــــي
امي صوت العافية وحرز الجتاف .. وخيط شيلته علك للمالة طب
ابد ماجانت بشر كبل الوجود .. وهية يوم الصارت انولدت درب
امي برحي وعود مسواك وحرير .. وامي ديوان الهلة وصدر الرحب
وجان بيها يلوذ حتى المايخاف .. ويعشك اسوالفها حتى المايحب
غيرها اتهلهل تحشم بالنزاع . وهية رهمت ساتر وتفكة بحرب
وجانوا يغنون لولتها الزغار .. ادموعها اتردد وراهة وتنتحب
مرة شتلت نخلة بااطراف النهار ... استحة الليل اعلة ديرتنة يطب
تنصب اشباج المودة بكل مجان. .مومهم اتصيد غايتها النصب
امي مريم صار عيسى الها العراق .. بخشبة الارهاب حتما ينصلب
امي لورشحت عضوة برلمان .. الكصب والهور يطلع ينتخب
وابد ماتحتاج دعم ولابيان .. .الغيرة والحـنية تشكل حزب
درس الاسلامية من عدها خذوه .. حافظة القران كله اعلة الكلب
واذكر باول سنة مر الحصار .. وجان موسم عدنة نحصد بالشلب
عطش كل السنبل وحبة استقام. . يدنك السنبل لون امي تطب
ويشبك المنجل حزن جف امي جان. . الباث ينكث روحه بس سنبل يصب
روح خضرة وخلك سباحة تصير. .حضرة يم شباجها يطيح الذنب
ابصدرها اتشيل خارطة الحنان ... وبكلبها اتشيل طيبة كل كلب
نجذب اعليها وتسامحنة وتكول ..يمه معذورين وتصدك الجذب
امي قانون المحنة بكل زمان ... امي بالدستور لازم تنكتب


منقوووووووووووووووووووول

[رياض الرسل]

السلام عليكم

الغالي والعزيز
صادق العارضي

كل الشكر والتقدير لك
على نقل هذه القصيده الاكثر من رائعه
واسأل الله قبولها منك يارب

دمت لنا

لو ذاكر اسم الشاعر حفاظا
على الحقوق كان افضل

رياض الرسل

[حميد م]

اقتباس : المشاركة الأصلية كتبت بواسطة صادق العارضي [ مشاهدة المشاركة ]

امي مريم صار عيسى الها العراق .. بخشبة الارهاب حتما ينصلب

بسم الله الرحمن الرحيم

اللهم صلي على محمد وال محمد وعجل فرجهم

أولا أهنئكم بولادة السيدة العظيمة زينب الكبرى في الخامس من شهر جماد الأولى

وثانيا شكرا على الاختيارلهذه القصيدة الرائعة ، ذات المعاني السامية وفقكم الله وسدد خطاكم

تقبلوا مروري

تحياتي

[ابوتكتم الخير]

احسنت ايها العارضي على نقل هذه القصيدة الجميلة
وطيب الله انفاس كاتبها

[صادق العارضي]

استاذي الفاضل رياض الرسل
القصيدة جميلة لكن للأسف لم اتذكر قائلها
ولهذا اقدم اعتذاري واشكرك من الاعماق
على تعليقك الرائع

[صادق العارضي]

استاذي الفاضل رياض الرسل
القصيدة جميلة لكن للأسف لم اتذكر قائلها
ولهذا اقدم اعتذاري واشكرك من الاعماق
على تعليقك الرائع

[صادق العارضي]

اخي حمديد شكرا لك على تعليقك ومرورك الكريم

[صادق العارضي]

اخي الكريم ابوتكتم احسن الله اليك
وشكرا على هذه الكلمات