[دالياصباح]

ما يوم روض الوفا من الورود أحمد
للمشى بخير وسعى واجب عليّ أحمد
حبي وودادي لنبينا المصطفى أحمد

دايم يظل متصل يارب يشهد علي
خل يقسي بي الدهر ويزيد ظيمه علي
ما عوف حب الوصي وابقى بولاية علي

بستان حيدر زها هاك انظر لزهرة
واللي يذب لي زهر ما همنا زهره
للموت أصيح بحزن مظلومة يالزهره

حب الزجية عمل ما يصح مثله حسن
وعروقي ماي الوفا من نهر ودها حسن
عند يا مرة منولد مثل الإمام الحسن

الحنظل بودهم عسل يشفافي بيه لحسين
بحب آل طه ارتقي من أحسن الأحسين
هنياله كلمن صبح خادم صدك لحسين

اللي يضدهم هلك لو عمره ظل سجاد
لشيعتهم آنا افرشت جفن النظر سجاد
ومنك خذيت الصبر يا سيدي السجاد

بصبر العليل اعترف لك يا زمن باقر
عود الصبح للعلم بين الملأ باقر
أرسل سلامه النبي لمحمد الباقر

أهل الذكر نهجهم وإخذوا عليه صادق
ماعندهم أبدا زلل كل قولهم صادق
جعفري آنا وهلي وإمامي الصادق

خل يبرد بشفرته دهري ويحد موسى
عاشك وعقلي شرك جن العشك موسى
لحاجتك يا من ردت اكصد وجهك الموسى

كل من كصد حضرته بالخير رد والرضا
نسحك بعظم اليضد ونكسره ونرضا
بالكاظم آنا اقسمت يا سامعي والرضا

ودهم لروحي درع بيه المخاطر تقي
والبايع آل النبي محسوب هذا تقي
إيا مذهب إمامهم كلي جواد وتقي

مذهب الشيعة صبح للغانمة هادي
للشيعة عمري نذر وبلا ثمن هادي
عاشر أنوار الهدى من فاطمة الهادي

عسكر بصدر الشعر ما ينهزم عسكري
جندي لبني فاطمة واقضي العمر عسكري
لمن يهل بالنصر إبنك يهل العسكري
المتسمي باسم النبي مهدي الأمم أحمد

[الروح]

نقل موفق بوركت الأيادي داليا
جزاك الله خير الجزاء
واهلاً بك معنا في انا شيعي

تحياتي

الموضوع سينقل لقسم الشعر الشعبي
لأن هذا القسم هو للفصيح فقط عمودي او خواطر

[نزار الفرج]

بسم الله الرحمن الرحيم
بوركت الاخت دالية لنقل القصيدة ولها الاجر والثواب
وبوركتِ ايضا اذا ذكرتِ اسم الشاعر فهذا حقه.
دعائي لك بالموفقية .. وشكرا لاختنا الروح لاغناء قسم الشعر الشعبي
ابو محسد

[رياض الرسل]

السلام عليكم

داليا صباح

اشكرك على نقل هذا الموال الرائع

لكن المفروض ذكر اسم الشاعر لأن هذا حقه

هو الشاعر الرائع
( ابو محمد المياحي )

اهلا بك بيننا

مشرف القسم
رياض الرسل

[الشاعر حسن خليفه]

طيب الله ذكرك وانفاسك وطهر صدرك

ورزقك شفاعه محمد واله الطيبين الطاهرين عليهم السلام

قصيده رائعه بميزان حسناتك ان شاء الله

تقبل مروري

اخوك الشاعر

حسن خليفه

البصره