[*الياسري*]

تمن وقيمة

تمن وقيمة هي أكلة عراقية شعبية. تعتبر إحدى الاكلات الرئيسية في العراق خصوصا لدى الشيعة

يقوم سكان العراق بطبخ (التمن) الذي هو الأرز والقيمة (التي هي عبارة عن لحم غنم مفروم) في أيام عاشوراء وفي جميع المناسبات الدينية وتوزيعها على الناس من اجل الثواب

المقادير:
كيلو لحم بقر ونصف كيلو لحم غنم
بصلة مفرومة
نص كيلو حمص منقوع بالماء لمدة 8 ساعات
ملعقة كبيرة معجون الطماطة (صلصة الطماطة)
بهارات مخلوطة كاري وفلفل ودارسين (قرفة)
ملعقة شاي هيل مطحون
ملح
ملعقة كبيرة نومي بصرة (ليمون اسود)مطحون
ملاعق كبيرة زيت

طريقة التحضير:
نضع الحمص مع اللحم ونضيف عليه الماء ونطهيه الى أن ينضج جيداً ثم ننزل القدر وندق اللحمة والحمص دقاً جيداً حتى يهرسا
نضع الزيت في قدر على النار ومن ثم نضيف البصل المفروم الى ان يتغير لونه الى الذهبي، نضيف اللحم والحمص والبهار والهيل والملح ومعجون الطماطم ونستمر بالتقليب الى ان يتمازج الخليط.ثم نضيف عليه ماء مقدار كأسيين ونغلق القدر ونضعه على نار هادئة ونحاول ان لانتركه طويلاً ألى ان يقل الماء ثم نعود لضرب المزيج بملعقة خشبية نحاول هرس المزيج مثل طريقة الهريس ونتركها على نار هادئة وعندما تبدا بالتماسك نضيف لها الليمون الاسود المطحون ونحركها ومن ثم نعاود ضربها بالملعقة الخشبية لهرسها من جديد ونتركها على نار هادئة جدا الى ان تثخن ومن ثم نقدمها مع الرز الأصفر المضاف عليه الكاري والدارسين ( القرفة) ..

[لحن الشجن]

يمي شفيتوني عليها

بس اروح العراق اجربها

مشكوور خيي على الموضوع

[ابن الشيعه1]

اتفضل اغاتي تستاهلون

هاي قيمة اولاد علي بوية

هههههههههههههههه

[آمالٌ بددتها السنونْ]

وصفة طيبه سلمت الأنامل التي
وضعتها لنا
خالص شكري وامتناني وتحيه
طيبه

[melika]

شکرااا خیی علی الوصفه الذیذه
عاشت الایادی..

[نرجس*]

وصفة لذيدة جداً و أختيار موفق
في أنتظار وصفة جديدة

نرجس

[البابلي]

ممكن نقطة نظام؟؟؟؟
الطريقة بلغة عصرية بيتية مو احسن؟؟؟؟؟
جيد .....نبدأ؟؟؟؟؟
يلة





المحتويات



حمص, لحم, بصل,معجون طماطة, نومي بصرة, كمون, هيل ودارسين وشوية فلفل اسود .





المقادير

لكل كيلو حمص كيلو لحم وقوطية معجون وراسين بصل

ودهن حسب الرغبة بس القيمة طيبة اذا دسمة.





طريقة التحضير

اولا: احمس البصل.

ثانيا: وبعد حمس وتحمير البصل احمس اللحم حتى تروح الزفرة مالتة.

ثالثا: نحط مي بالجدرية الى حد ما تتغطة اللحم يعني نكوم منشوف اللحم

وبعدين نغطي الجدرية بحيث ميطلع البخار.

رابعا: ورة ميستوي اللحم نحط الحمص ونخليه يستوي كلش كلش, همين نغطيه علمود يستوي.(لا تكولون هو مستوي وتشكلون علي هههههههه)

خامسا: نجيب اكو اختراع اسمة تخماخ او بلغة اخرى طخماخ ونكوم نهرس باللحم والحمص لحد ماينمرد اللحم والحمص.

سادسا: نحط معجون الطماطة, ونرش شوية ملح.

سابعا: هاي طبعا احنة نظل ندرخ بالجدر حتى ليحكك(يعني ليلزك بالجدرية), نحط نومي بصرة و شوية هيل, وشوية كمون.

ثامنا: نعوفهة على نار هادئة لمدة نص ساعة او اكثر وراهة صبوهة

وطبخي التمن وحطي علية زعفران وهيل شوية

والف عافية

وهاي الصورة واتمنة يعجبكم




والف الف عافية

[البابلي]

محد انطاني رأيه ليش؟؟؟؟؟؟؟؟؟
معجبتكم نقطة النظام؟؟؟لو تحبون نخليها لمحرم؟؟؟؟