[منذر الساعدي]

أكابر وأنه مجروح



أكابر في حياتي وانه مجروح......ولا فد يوم صحت اتلاحكوني

امشي على اجروحي ابشوغة الروح..ولا بينت دمعه من عيوني

بس قلبي أبونينه دوم مفضوح...... خفت منه يون اَويسمعوني

عزة نفس عندي وين ما اروح.......يعرفوني اَصيل الرافكوني

لون اجوع ويحطوني عَل لوح.....ما أمد ايدي واَسئلهم انطوني

الله ما يخلي حمل مطروح............ ابد بالله ما خابت ظنوني

امشي على كسري وابد ما انوح....وميهمني يدنيه أشما تكوني

لو دحتي علي ويه الزمن دوح.............قسم باللهِ لا ما تذلوني

ابو الغيره انه لو اضحي بالروح.....ما اخلي الشماته اِ يعَيروني

الغيره واضحه من عندي وتفوح.....وامبينهَ عَلَي حتى أبسكوني

راسي بالقمم ما طخ للسفوح...ولا من خوف مره انخطف لوني

اذب ملح وجمر مابين الجروح....... ِاذا نزفن عواذل يشوفوني




بقلم الشاعر
حسين االساعدي

[ثورة الحسين]

بارك الله فيك وجزاك الله خير الجزاء بحق محمد (ص)
اخوك الصغير
عبدالله الشاعر

[منذر الساعدي]

اقتباس : المشاركة الأصلية كتبت بواسطة ثورة الحسين [ مشاهدة المشاركة ]

بارك الله فيك وجزاك الله خير الجزاء بحق محمد (ص) اخوك الصغير عبدالله الشاعر

شكرا لكم اخي الكريم عبد الله
وفقكم الله بحق الرسول واله عليهم السلام
تحياتي