[زكي الياسري]

كربلائيه تصرخ من اعماق الضمير
لبيك يا حسين ...
اهدي ثوابها الى قرائها الكرام و الى امواتهم و اموات شيعة امير المؤمنين علي عليه السلام
من لا ذاكر لهم يذكرهم لا سيما خدمة الشهيد عليه السلام
و اسألكم الدعاء

زكي الياسري النجفي 31/12/2010

جينيه في يوم اربعينك يا حُسين الكربله
شيعه و نطوف ابضريحك يا شبل عقد الوله
وَ نِدانا وا حسيناه ................... و احسيناه وا حسينا
1
يا حراره ابكَلب كلمن حَب ابوك المصطفه
يا حسين ابلا شعاعك من على الدنيه العفه
ما يصح للعاشِكَينــك يبو اليمه كل شفه
الا بزيارة ضريحك يمن نورك ما طفه
و هُدانا مذ وعينا .... و احسيناه وا حسينا
2
يا بحر عزه و كرامه مايه ما يملـَح ابد
حيث حـــلاه الصُميده (والدٌ و ما ولد)
انته سد يحمي العقيده ياسندنه انته سد
مو عجيبه و كون الله لأجل عيناك انوجد
قـَـَد عَشِقنا مذ حَيينا .... وا حسيناه وا حسينا
3
يا سفينة نوح ناجي بيهه من ينوي السفر
انته مفتاح السعاده و انته سلطان الدهر
انته فرقان العقيده انته بركان الفخر
انته نور الما يشوفك اعمه بس مو بالبصر
سَـَـَ ــينادي .. من يلينا ... وا حسيناه و احسينا
4
كربله صومعة دين الباري تبكَه علزمن
ما تزحزحهه العواصف ما تغيرهه المحن
النه صارت يبو اليمه بكل معاليهه وطن
وطن عزه او طن ثوره اوطن آهات و شجن
وَ َ شعاعٌ عاشَ فينا ..... وا حسيناه ... و احسينا
5
ما نبيع احنه القضيه لو الف مره نموت
منــَّك اعرفنه على الشر ابد ما ينفع سكوت
علمتنه اعله الجهاد و على كل كلفه نفوت
انته يحسين بصلاة المــوت جفين القنوت
فالمنايا تــَـَـقـتـــفينا .... وا حسيناه .. وا حسينا
6
طيَّــَحِت كل الشوامخ من طِحت يَــعظم شهيد
زلـــزلِت كل العروش بصرخِتك لا يا يزيد
اسقطِت كل الطغات بسيف هيهات .. الفريد
و اْرعبت سبعين الف يابن علي وانته وحيد
وا حسيناه واحسينا .... وا حسيناه وا حسيناه




هذا المستهل يمكنكم استخدامه لهذه القصيده اذا كنتم تريدون قرائتها في غير الاربعين
و اسألكم الدعاء



يا حسين الشيعه صاحت ما نعوفك للابد
يا حسين وهذي بيعه الك و البيعه عهد
وا حسيناه .. وا حسينا .... وا حسيناه وا حسينا



زكي الياسري النجفي 31/12/2010 كيل

[رياض الرسل]

السلام عليكم

سيد زكي النجفي الاصيل

اسأل الله ان يجعلك من زوار الاربعين
واذا ماتوفقت لهذه الزياره
اني موجود وبخدمتك حبيبنا الغالي
اسمك اشيله بروحي واخذه وياي الى كربلاء


خادمك
ابو عباس

[الروح]

يا حُسين نعم هي بيعةُ الدماء وقعناها بمسيل النحر
وطبرةِ الهامات الشوامخ على دربك سائرون..؛
سيدي الفاضل آلــ ياسري ..
دمت أبداً تردد الشعر قضية تتوهجُ بالمبادئ ..؛
وهكذا انت دوماً ..؛

لك بتلاتُ شكري وتقديري

[زكي الياسري]

حيا الله العزيز الغالي الشاعر الفذ رياض الرسل
على هذه المشاعر
ان شاء الله يشملنا الله في سجل الزوار
بحق الزهراء

سلمت يداك مولاي

[زكي الياسري]

حيا الله اختنا الفاضله النجيبه
الاديبه
الروح
على هذا المرور العطر
دمتم بولاء الاطهار الابرار

اسال الله ان يشملنا جميعا بلطفه و عنايته
بحق الحسين عليه السلام

[الملكي]

بارك الله فيكم وفي حروفكم
سيد زكي الياسري
دمتم بولاء الأطهار

[رآحيل]

بارك الله بيكم مولانا الفاضل
نزفكم الولائي لامثيل له’’
تستنهضون همة الحرف للحسين’’
موفقين ومأجورين

[AL-badrii]

حيا الله الشاعر الجميل السيد زكي الياسري
احسنتم بارك الله بكم
واعجبني جدا نفسك في الشعر
وكنت اتصفح في موقعكم
واقرأ اشعاركم الجميلة

دمتم بخير

[ثورة الحسين]

بارك الله فيك وجزاك الله خير الجزاء بحق محمد (ص)
اخوك الصغير
عبدالله الشاعر

[سديم الفجر]

السلام عليكم ورحمة الله وبركاته
اللهم صل على محمد وآل محمد
بارك الله بكم لهذه القصيدة الرائعه
موفقين احسنتم