[رحيم الحسناوي]

اللهم صل على محمد وعلى ال بيت محمد الطيبين الطاهرين

البرنامج الكامل لليوم الحادي عشر من محرم


لطميه , ثكيل
ــــــــــــــــــــــــــــــــــــــــــــــــــ ـــــــــــــــــــــــ



بين الضلع والباب ... والكوفه والمحراب

وبالغاضريه ... زينب سبيه.. منهه الدمع ينساب


ــــــــــــــــــــــــــــــــــــــــــــــــــ ــــــــــــــــــ

سجاب جفني بحسرته وعودي انسلى .. عللي انذبح ضامي ووحيد بكربلا

مسبيه لرض الشام منه العايله .. والراس منه رماح اميه تحمله

منه الدموم بغيض تنزف سايله .. وكومه وهله بارض الطفوف مجندله

بين الحرم واطفال .. زينب شديهة بال

فوك الاذيه .. زينب سبيه .. منهه الدمع ينساب

حيره وتحير هالقلب يا بن علي .. بنت الرسول شلون بالطف تنولي

وروس الطهر لرض الزنادق تعتلي .. وبيت الامامه من الاشاوس ضل خلي

يالحيلكم بيه الشدايد تنجلي .. وينك يبو الحملات وينك يا ولي

بعينك تشوف الخيل .. وعالحره وحشه الليل

هاي الابيه .. زينب سبيه .. منهه الدمع ينساب

طاح العضيد ابن الشيم عالمشرعه .. ساجي اليتامه الكوم تشهد مصرعه

يم الفرات جفوف منه مكطعه .. بسهم الغدر سال النزف وي مدمعه

بعدك يروح حسين سكنه ملوعه .. واهل الحقد لخدور زينب مسرعه

طاح العلم والجود .. من جفه راعي الزود

جفوفه رميه .. وزينب سبيه .. منهه الدمع ينساب

راس الرضيع بسيف كطعو منحره .. ومن الجفوف حسين كطعو خنصره

خيل ال اميه على الهواشم دايره .. وزينب وحيده تصيح ضلت حايره

صاحت يبويه تشوف بينه اللي جره .. روس الفواطم عالوطيه مطبره

وينك يداح الباب .. وين الضلعهه انصاب

هنا يالزجيه .. زينب سبيه .. منهه الدمع ينساب

عيون السبايا تذوب وي دمع الجفن .. وجتف العليل بكيد حاقد يقترن

بنت الرساله اليوم بالهم تمتحن .. بسوط الاراذل صار محمر المتن

ويه اليتامى وبالخرايب تنسجن .. وكلوب ال حسين بالهم تنسكن

بيهه القلب مفجوع .. يهمل عليهه دموع

يهل الحميه .. زينب سبيه .. منهه الدمع ينساب





لطميه , ثكيل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ


من سارت ضعون الغرب .. ودمع الزجيه من انهال

صاحت يبو اليمه انسجب .. حيلي وشده مني البال

ضعون الهواشم غرربت ..والحسره بضلوعي غفت

شوصف يبويه من الحال

ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

زينب يبويه بلا خدر ومكيده بنص الكوم .. وحسين راسه على الرمح واجناب يم ضعنه تحوم

هلبت ضخر كرة علي يكض رايته ولخته يكوم .. ماضن ابن فارس مضر بالشده يحلاله النوم

اطفال بالهيمه انسبت ... ضعون الهواشم غرربت

شوصف يبويه من الحال

يابويه هم شفت الجره وليدي على روجات الثرة .. وبنت الامامه ميسره وغلمان تاهت واطفال

عباس كطعو منحره وجفوف اديه مبتتره .. الرايه يمه محيره بدموم غطت ورمال

اجساد بويه توذرت ... ضعون الهواشم غرربت

شوصف يبويه من الحال

هم الجفل ما ينشرب وهامات لاجت عالترب .. ميتين ولدي وبالغرب دم النحر منهم سال

اصعب وصفهه من الصعب دمعة سكينه التنسجب .. وشلون همهم ينحسب راح الضنه وراح الجال

وج نار قلبي وما هفت ... ضعون الهواشم غربت

شوصف يبويه من الحال

هيهات دلالي يجل زايد ونينه وما يمل .. شلون الفواطم تنجتل وشبول تنزف وابطال

ماريد لوعاتي تزل ردتك يبن حيدر تهل .. ويفيض ريعي وما يذل وتشوف يوليدي الحال

بس حسره بكليبي صفت ... ضعون الهواشم غرربت

شوصف يبويه من الحال

ماهاد ضيمي ولاخمد والهضم باعتابي انعكد .. الحيل من حيلي ركد والفرح شد حيله وشال

ياريت بعيوني الرمد والراس تنهد بالعمد .. وعلى الجفن نزفي جمد ولاشوف مسبيه عيال

يابويه احس روحي طفت ... ضعون الهواشم غرربت

شوصف يبويه من الحال

جم ليل من ليلي يمر وتهيم صرخات الصبر .. يفجعني طيفك من يمر يحسين ويتيه البال

طير المهاجر من يمر روحي على شوفك تستعر .. ذبحوك يمه اهل الغدر واطفال تنجر بحبال

عيني لبجاهه تعودت ... ضعون الهواشم غربت

شوصف يبويه من الحال

ساعات و تغيب الشمس واليوم مو مثل الامس .. حسرات بيه وتنحبس وكل يوم نفس الموال

متروس هم كلبي ترس والااه وياهه انجبس .. عابس يضل وجهي وعبس للزهره ومصاب ال اال

ماغيركم روحي هوت ... ضعون الهواشم غربت

شوصف يبويه من الحال

نسالكم الدعاء
رحيم الحسناوي

[الروح]

الشاعر العزيز
رحيم الحسناوي ..،
بوركت اياديكم الطاهرة لهذا النزف الحُسيني الشجي
لاعُدمتم الأجر ولأرجو الله
ان تنتفعوا وننتفع بما تجودون به علينا في الدارين
إمتناني قبائل وردٍ لجنابك الكريم

[صافي الصفا]

نادت كلوب اليتامى

عمنه ياراعي الشهامه

ياظمانه ياظمانه ياظمانه

ياعمنه نيران العطش شبت يكافل بينـــــه

شد جودك وبخ الجمر بس جودك اليطفينـه

ياعمنه ملينه الصبر كافي الصبر ملينـــه

ماهمنه كل ليل الحرب ليل العطش ياذينـــــه

ليل العطش اذانه يامن حملت الوانه

ياظمانه ياظمانه ياظمانه