[العلاق]

نساء الملح

عارف مأمون آلمغشغش /ناصريه

ظهر على قناة الفيحاء الفيحاء الفضائيه تحقيق سمي ( نساء الملح)
يتحدث عن نساء من مدينتي اجبرتهن ظروف العيش على امتهان
مهنة جمع الملح وبيعه من اجل لقمة العيش الشريفه وتحدثت احداهن
وتدعى ( ام حسين ) للمذيع قائله ..( (يمه خبزة اطفالي جبرتني على الملح )
شتلمين ؟

ملح وي الجروح
شلون يم احسين ؟
يابت النفط .. يم رافدين الخير
معقوله العراق يعوفج تجوعين ؟
شتلمين ؟
خاف الكَاع تزعل من تشوفچ هيچ
لان خيرات بيها تكفي مليارين
شتلمين ؟
خاف الملح باجر يزعل ويلزاد
احتجاجا على اوضاعچ
وهلچ مغلسين
اسألچ فد سؤال بقصد مو تحريض
ولكن هذا حالچ فزز الميتين
الخذوا صوتچ امس
من رحتي للصندوك
ما مروا عليچ وشافوا اشتردين ؟
معقوله اعله بابچ باچر يردون
ومن حلهه وجديد انوب تنتخبين !
ماكَلچ اكعدي وسدي باب البيت
تلحك على بيتچ كون متطلعين
انعم الله اعله الربع فادوچ بس بهاي
شح ملح البطاقه وصار سوكَچ زين
بس سعر الملح مابيه ثمن خبزات
لو يطلع جزء من مصرف الزنكَين
بميزان الملح وزّني اليريدچ صوت
واختاري الينقذچ من دواهي البين
اليجي بطرك الدعايه ويحجي نفس العام
كَوليله بصراحه وبالچ تخافين
اخذ كل الصور والملصقات وياك
دكَهن عل القصور
ترفضك اهل الطين
بيت الفقره حايط..لافتات الموت
مايصلح دعايه ..يفيد للتأبين
صوتچ مثل شيلة وجهچ المتعوب
يستر بأختيارچ كل جرح بعدين
يم بيت الحواسم ..هسه بيدچ صوت
بس بلايه عين يصير ضدچ شين
الماياخذ درس من مدرسة الايام
وحك عينج يخالةيروح بالرجلين

-----------------------------------
رد من سعد الياسري
مدري ادموع عيني اتسيل
مدري الهم يسيل من
الجفن دمعه
مدري اگليبي سالم
والجرح خطـّـار
مدري اجروحي صارت
بالگلب ترعه
انتي ابكربله اتزورين
( يم حسين)
والمسؤول يسكر ليلة الجمعه
(يم حسين) موعيب الملح
من يجرح الچفين
بس عيب الشرف ينباع
والمسؤول يحسب هالشرف
ســــــلعه
(يم حسين ) لـَـتـْـعتبـين
ترگص غيرة المسؤول ومفرعه
لن باع الشهامه وصار
بالدولار يحسب مربح الصنعه
واصحاب الكراسي البرلمانيين
مـــــــــايدرون
صارت للنهب فزعـــــه
مدري الصوچ بيهم
مدري بينه الصوچ
لو حظ وبخت ووياهن السمعه
(يم حسين )
هاي الدنيا صارت هيچ
واصحاب المواقف صبـّـحت بدعه
من چان الفقير ايبات
يشرب كاس همـّـــه ابليل ويجرعه
لامسؤول (يم حسين)
دگ باب الفقير وشاهد الوضعه
كلها امحزمه احزامين
بين ايبوگ بين ايوظف ابربعه
وايتام وارامل تندب الميتين
هلبت والضماير اِلها خط رجعه
هلبت والغيور احمود
ينزع ثوب صبره
ويستر الفدعه
وتردين (يم حسين)
چـفًٌـچ بي ملح والثاني
بي شــــمـعـــه
بي ملح الكرامه المالواهه العوز
والثاني الشمع
يتـباهه باللمعه

[Яëđ ƒłοωëŕ]

بحق قصيدة مؤلمة
لا حول ولا قوة إلا بالله
..
الله يكون بعونها
الحمد لله على كل حال

شكراً لك أخي العلاق

أهلاً وسهلاً بك

[جاسم العجمي]

يًسِلمٍَوٍوٍوٍوٍوٍوٍوٍوٍوٍ عُلىٍ آلطَرٍحِ آلرٍآئعُ’’’
سِلــــمٍَــــتِ وٍ عُآشُتِ آلآيًآدُيً""






وٍدُوٍوٍوٍوٍوٍوٍوٍوٍوٍوٍوٍوٍوٍوٍمٍَ هُآآآآآآآآآآآلتِمٍَيًزٍ آلرٍآَقٍِيًَ فٍيً آلمٍَوٍآضَيًعُ""
آللهُ لآ يًحِرٍمٍَنٍهُ مٍَنٍكـ وٍلآ مٍَنٍ جَدُيًدُكـ"

[شجر الاراك]

والله قصيده مؤثره وتحكي واقعع العراق الجديد