[علي البههادلي]

بحق امير المؤمنين عليه السلام

يا امام ومايصح غيرك إمام


واحنه غيرك مانريد ومانحبْ


واحنه حبك مو اخذناه اعتباط


الما يحبك گلي چا المن يحب


الدنيه عاثور وزلگ كلهه الحياة


وگلي غيرك منو ايدلينه الدرب


واحنه لو تهنه ابزواغير الدروب


راح نگضي العمر بالهم والتعب


وندري زين امقفله بيبان العباد


وفقط بابك فاتح الكلمن يطبْ


واحنه ندري اللي يندبك تعتنيه


وبالكلايف غير شخصك مايطب


وبالنوايب غير ابو حسين اشنصيح


وغير حيدر گلي يا هو اليندبْ


ياهو غيرك لو وگعنه ونعتنيه


يبو الحمله ومن يحل النــــه الصعبْ


,,,,,,,,,,,,,,,,,,,,,,,,,,,,,,,,,,,,,,,,


والغصب حقك ياحيدر يدري زين


انته متوّصي وفلا تعلن حرب


انته نفذتْ الوصيه ابكل امان


اصبرت لكن نار گلبــك تلتهبْ


وذوله ماچان اعتنو باب البتول


ولا اجو للدار وياهم حـــطبْ


وچان ابو الحسنين ماأخذوه اسير


وراح مجبور وغصب بايع غصبْ


والله لو ما چان متوصّي الاميرِ!


إبسيفه چان الدنيه يگلــــبهه گلبْ


وچان جزرّهم ضحايه إبلايه روس


وچان سوّه الگاع جواهــــم لهبْ


وچان مامدّو اديهم عالبتـــــــــول


وچان لا واحد تدنّـــه ولا گربْ


!!!!؟؟؟!!!!!


وچان ما أخذو فدك بعــد الرسول


وچان ماحق فاطمه نهبوه نهـــــبْ


وچان مابعدّو حيـــــدر واخذلــــوه


وما انصاب المرتضى إبسيف النصبْ


وچان ابو محمد ابسمهـم ما سگوه


وچان اصل الدين باقـــي ومنتصبْ


وچان ما گطعو العباس الچفوف؟؟؟


وابو اليمّه احسين نايم عالتـــــربْ


هوّه من يوم السقيفه الانحـــــراف!!


إهناك ضاع الدين وتولــّت غربْ


إهناك ضاعت كل فروعه وكل اصول


وشفنه ويلات إشكثر ماتنحســـــبْ


اهناك دگــــّو ساس اعوج للبناء


واحنه نعرف زين يوم وينــگلبْ


!!!!!!!!!!!


واحنه ندري مـــا يصح إلا الصحيح!


وندري بالباطل اشيكتب ينشطــبْ


واللي يعطش يروه من دين الهداة


والشرب من غيـــرهم ماچن شربْ


باچر ابيوم الحشــــر همه النجاة


ابغير حبهم يصبح الموقف صعبْ


ابغيــــر ودهم لا جنان ولا خلود!!


ولارضى المعبود نحضــــه ولا قربْ


||||||||||||||||||||||||||||||||||||||||||||


العاشره صباحا


في 29.9.2010


بقلم علي البهادلي

[نزار الفرج]

بسم الله الرحمن الرحيم
الله الله ماشاء الله يا ابا مرتضى ياعلي البهادلي
قصيدة رائعة بروعة شاعرها المبدع
اجدت واحسنت ووضع الابهام على الجرح
لك مودتي ودعائي
شفع لك قسيم النار والجنة عليه السلام
ابو محسد نزار الفرج

[زكي الياسري]

جميل جداً ما جادت به هذه القريحه العلويه المواليه ... تحيه الى هذا القلم المعطاء الفذ

[حُسينية الهوى ~]

اللهم صل على محمد وال محمد

الله !
امتطيت صهوة الحرف ايها المبدع
ممسكا بزمام البيان , تديره حيثما درت !

ابدعت ببذخ مترف
بوركت ومدادك , ما انوره !
تحايا تنسدل بانحناء عند اعتابكم
والشكر جله لكم ,
وخالص الود .

[والي مطر]

الحبيب علي البههادلي يامن تنطق كلماتك قبل قرائتها تغاريد الحنان للولي علي ع ولي الانس والجان دمت نبضا بحراسة الرحمن .... محبتي

[علي البههادلي]

اقتباس : المشاركة الأصلية كتبت بواسطة نزار الفرج [ مشاهدة المشاركة ]

بسم الله الرحمن الرحيم الله الله ماشاء الله يا ابا مرتضى ياعلي البهادلي قصيدة رائعة بروعة شاعرها المبدع اجدت واحسنت ووضع الابهام على الجرح لك مودتي ودعائي شفع لك قسيم النار والجنة عليه السلام ابو محسد نزار الفرج

عزيزي واستاذي ابا محسد
منكم ننتهل الابداع وبمروركم العطر متشرفين جعلكم الله تعالى من الموالين
والسائرين على نهج امير المؤمنين ولاحرمنا من هذا التواجد الذي يقر العين
مبروك لنا ولكم عيد الغدير الاغر
خالص تحياتي ودعائي

[علي البههادلي]

اقتباس : المشاركة الأصلية كتبت بواسطة زكي الياسري [ مشاهدة المشاركة ]

جميل جداً ما جادت به هذه القريحه العلويه المواليه ... تحيه الى هذا القلم المعطاء الفذ

العزيز الغالي زكي الياسري
متشرفين بمروركم العطر الذي انار متصفحي ومسرورين بتواجدكم النبيل
لتشاركونا افراحنا بالولايه الحيدريه لاحرمنا من هذا التواجد العطر ومبروك لكم
عيد الغدير الاغر وشكرا مجددا لروعة مروركم
خالص الود والدعاء لكم

[علي البههادلي]

اقتباس : المشاركة الأصلية كتبت بواسطة حُسينية الهوى ~ [ مشاهدة المشاركة ]

اللهم صل على محمد وال محمد الله ! امتطيت صهوة الحرف ايها المبدع ممسكا بزمام البيان , تديره حيثما درت ! ابدعت ببذخ مترف بوركت ومدادك , ما انوره ! تحايا تنسدل بانحناء عند اعتابكم والشكر جله لكم , وخالص الود .

الاخت الكريمه الطيبه حسينية الهوى
متشرفين بمروركم العطر الذي انار اسطر القصيده وكساها حلة جديده
ومسروين بتواجدك معنا لتشاركينا افراح عيد الولايه جعلك الله تعالى من الموالين
والف مبروك لك عيد الغدير الاغر وشكرا كثيرا لروعة المرور وللدعوات الطيبه المباركه
لاحرمنا من هذا المرور المميز لك خالص دعائي وتحياتي

[علي البههادلي]

اقتباس : المشاركة الأصلية كتبت بواسطة والي مطر [ مشاهدة المشاركة ]

الحبيب علي البههادلي يامن تنطق كلماتك قبل قرائتها تغاريد الحنان للولي علي ع ولي الانس والجان دمت نبضا بحراسة الرحمن .... محبتي

الحبيب الغالي والي مطر
متشرفين بمروركم العطر ايها الشاعر المبدع
ومسرورين لمشاركتكم معنا افراح الولايه الحيدريه جعلكم الباري من الموالين
ورزقكم الشفاعه ولاحرمنا تواجدكم العطر ومروركم الرائع
لك مني خالص الود والدعاء بالتوفيق

[رآحيل]

قصيدة كانت والروعة توأم
فلا اعرف كيف تنسجم هكذا مع الجمال ان لم تكن من سنخه
لمدادكم التحية ولكم التقدير والود,,,