[احمد العراقي]

تزرع بس شمس چا ليش تحصد ليل
مگلوب اشعلامك يا وطن حالك

چنت صوت الكرامة البيه يصيح الكون
ليش اسمك عثر بلسان مهوالك

ليش اجدام فجرك چلّت من السير
بعد عنها الصبح لو ثگل منگالك

تمد چفك تريد اتنوش نبع الماي
ويمد چفه القدر وامن النبع شالك

عطش واسنين جور وناس تاكل ناس
تصفه ابيا وكت يالمنشده بالك

هدم .. شگه الفگر ما راد يبقه اعليك
وانت امطشرات اوي الهوا اموالك

چنت حضن الامان البيه يغمض الخاف
واذا بيه خوف ظل ينحرس بخيالك

هسه شغيرك واشرخّه رسن الحال
تريده من التامن چانت ابجالك

چنت ديوان عامر هسه انشدك ليش
طفه چانونهن وامچفيّه ادلالك

تقبل هالوضع ؟ ما اظن ترد بأي
صعب وادري ابمرار اتعايش احوالك

گبل هامك نجم حسرة اعله شوف الغير
ويفيض اعله النهار امن الضوه هلالك

اشعجب نجمك خفت واهلالك ابلا نور
وصرت كلش سهل للرايد اينالك

امعلگ بالمشانق يوم يتبع يوم
حان اعله اليضدك تلتف احبالك

لان عمرك گطب والدنيا رحة موت
اطحن كل رذيل ايحاول اذلالك

واذا مو بيد عزمك تلف غزل الغيم
ايّس لا تأمّل يوم يصفالك

وطن حامل ترابك عطر دم حسين
وفضل چف الچفيل اعله الخلگ شالك

وطن بيك الصميدة وهو بحر الزود
دگوم اتوضه منّه وسدّي بظلالك

رد رد مثل الاول هيج ما نرضاك
مثل ما چان امس متحتم اجلالك


احمد العتابي
العراقي

[بنت الوادي المقدس]

الله
مااجمل البوح للوطن
قصيده جميله تكتب بماء الورد
متالقه بتساؤلاتها
جميلة جدا
كن بخير
وادام الله هذا الابداع فيك

[البدري14]

الله يا احمد العراقي
كل يوم تتحفنا بجديد يتوقد منه نور الالغ
موفق يا ابا شهاب
----
هذا الوطن شعلة يظل لاهل الخير
ويظل دنبوس حربه وبيد خيالك
مثل حال القهاوي تكيف عالنار
وتفوح بهيلها وتناغي دلالك
وبراك الفطح والدهن فوقه الروب
واهل معروف بالديوان يرجالك
تشوفه سمح وجه العراقي بطيب
ويصير سموم داب بقلب عذالك
ابد ما ذبها رجه ولا طلب فزعات
واللي تكظة منهم وهو خيالك
وخيال الجتام يلاعب النكبات
ويرفع رايته ويصير مهوالك
كلها تلوذ بينه من يصير طراد
من حسني وملكهم والنذل جارك
من نادت الشام وفرعت بالكون
سترها عراقنا ومنه انته وامثالك
وشوف ام الكباير والعجيب الصار
الارنب تفترس بسباعنا قبالك
يدفعون الاموال لحارث وعدنان
مسعوره جلابهم هل تنبح اكبالك
بس تصفى وحق من فرض الجفين
ويجي يوم يدوسهم ومكرم نعالك
------
موفق بحق محمد وآل محمد
نسألكم الدعاء

[حيدرالناصري12]

أخي الحبيب/ أحمد العراقي رعاك الله
تعجز الكلمات وتجف المحابر لتفي حقك وحق قلمك
المعطاء يآبن الفيحاء
أقف منحنيا لحروفك وبوحك الرائع
دمت متألقا
أخوك
حيدر الناصري

[وجدي الجاف]

الله .. الله يا استاذنا ...
حقيقة قصيدتك يا أبا شهاب كتبت حروفها
من ينبوع الجمال .. جمال الولاء للوطن ..
وحملت في مضمونها روعة الاوصاف والأحاسيس
أسأل من الله تعالى أن يزيد في توفيقك
ويكشف همك وغمك بحق الحسين (ع)
تقبل مروري
تلميذك وخادمك الصغير
وجدي الجاف

[احمد العراقي]

السلام عليكم
اختي الفاضلة بنت الوادي المقدس
مروركم هو الاروع وتواجدكم بريق تزدهيه حروف كلماتي
شكرا جزيلا لتشريفكم ايانا بتواجدكم العطر
لاعدمناكم ان شاء الله تعالى
ووفقتم لكل خير
وعليكم السلام

[عاشقة النجف]

بسم الله الرحمن الرحيم
اللهم صل على فاطمة وابيها وبعلها وبنيها والسر المستودع فيها بعدد مااحاط به علمك..


لكل حضور لكم معنى مختلف عن اللذي سبقه شاعرنا المتميز احمد..
وابياتكم المتجدده بمعانيها تبهركل من قرئها ومر عليها
لذلك الفكر الواسع والخيال الكبير والمضمون الجميل
تقديري واحترامي ودعواتي للاكثر
كلمات جميله ومحفوفه ببركة اهل البيت
دمتم على هذا العطاء
سدد المولى خطاكم
رعتكم البتول

[خادم الشيخ الكوراني]

الشاعر والاخ العزيز احمد العراقي
كلماتي تعجز امام فيض كلماتكم الرائعة
حقا انك شاعر مبدع
وفقتم لكل خير

[احمد العراقي]

السلام عليكم
العم الغالي ابو تركي
مروركم بحد ذاته شرف تزدانه صفحاتي
ومجاراتكم ابداع تخل امامه حروفي المتواضعة
شكرا جزيلا لكم وحفظكم الله تعالى من كل مكروه وشر
لاعدمناكم ان شاء الله
وعليكم السلام

[ابو ظاهر البركي !]

الله الله الله
صورة مؤلمه ايها الشاعر الرائع
حزن بكلوبنه لمن يجي الهادي
يكص العيب من كلمن تصبالك


اخي وأستاذي احمد العتابي
لصورة شعريه محزنه عبرت عن واقع حال
وطن الخير العراق

شكرا لك ايها الموالي
مو غريب عليك هذا الحس الوطني


والله يكل قلمي أمام أبداع مداد بندقيتك التي طالما قاومت
ألأنذال من أعداء وطننا ومذهبنا .


أعذرني

أخوك
أبو ظاهر البركي