اكيد كلكم لاحظتم الفترة اللي فاتت كيف كنت بسرعة اتنرفز بسرعة و لأتفه سبب .... و بتمنى الكل يسامحني .... انا كنت بتعرض لهجمات كتيرة امامكم .... و في حياة الواقع كنت بعاني اني مش عارفة احكي لحد عن التغيرات اللي مرّت عليّ و كمان مش عارفة اطبقها كما يجب ......
المهم انا الي فترة ما حكيتلكم عن نقاشاتي مع زوجي او مع اختي او اخي اوغيرهم ..... لأني عانيت معهم و ما حبّيت اشغلكم بهاي الأمور كمان..... طبعا انا ما حكيت و لا لأي شخص اني تشيّعت ..... لكن حاولت اناقشهم في بعض الأمور ..... و كان في 3 مواقف ... و هي :
الموقف الأول : ( زوجي ) في البداية كان متعصب لكن عندما اثبتّ له بعض الأمور اصبح يتهرب من أي نقاش .... و دائما يقول اذا كان كلامك صحيح شو الفايدة انو نعرف هلا اللي صار بالماضي .... ما رح نقدر نغيّر شي ... و للأسف ما عاد يرضى يفوت معي بنقاشات في هاد الموضوع ...
الموقف الثاني : ( صديقتاي : سلفتي و زميلتي في العمل ) .... كانتا افضل مستمعتين ... و كنت ارى الدموع في اعينهما ..... لكن ركام التاريخ و الأكثرية و القوة راسخ في قلوبهما و عقولهما .... و سمعت نفس الجملة من التنتين : يا ريتك ما حكيتي لنا !!!!!!!!!! المهم حسّيت اني ثقلت عليهم و ما بدي اخسرهم فبحاول اني ما افتح الموضوع معهم في الوقت الحالي .... لأني خايفة اخسرهن .....
الموقف الثالث : ( اخي و اختي ) و هو الموقف الأصعب ... هاد الموقف اللي بدو يحكي و ما بدو يسمع و ما في اي قابلية عندهم انهم يكونوا على غلط .... يعني بحسّهم بدهم يفرضوا رايهم و السلام ..... ( صدقوني اهلي طيبين كتير لكن بيوخدوا الموضوع متل ما هو موجود في كتب السنة و متل ما فسّروه اهل السنة بالشكل العام ..... ادعولهم ربنا يهديهم )......
يعني فوق اللي بشوفوا في المنتدى كنت متنرفزة كتير من صعوبة الوضع اللي حولي .....
المهم الشي الجديد ...... اليوم كان عندي زيارة لأخوي التاني اللي بالسجن .... اخوي هاد يمكن اول واحد في البيت اظهر اهتمام بالشيعة و كان هالشي مخوّفنا كتيييييييير .... يعني كنت اشوفوا بيكتب اقوال لأمير المؤمنين علي عليه السلام على دفاتره و على سريره و على خزانته و كنت ممن يستنكرون ذلك .... كان بيحكيلنا شو قصتكم هاي اقوال لسيدنا علي رضي الله عنه ليش زعلانين ..... فكنا نسكت على مضض .... اول مرة بسمع لطمية كانت لطمية ليش تأخر عباس سمعتها عندو و حبيتها و نزلتها .... لكن برضو الوضع ما كان عاجبني ..... هالحكي كان زمان .... و كنّّا كلنا ضدّو و هو دايما بيحكيلنا و هو يضحك ويتمسخر ما تخافوا ما رح اتغير .... انسجن قبل سنة و طلعتلي زيارة ( انا اكتر وحدة بيطلعلها زيارات ..... ربنا ينتقم من اليهود طول السنة ما زاروه اهلي غير مرة وحدة ) ..... المهم امي شددت علي و حكتلي احكيلوه انها ( امي ) رح تزعل كتير ازا عرفت انو تغيّر .... وصلتلوا الرسالة .... فكان جوابو و بشدة مو متل دايما بمسخرة : احكي لأمي انا انسان مسلم ماشي على اوامر الله و سنة رسوله صلى الله عليه و سلم .... حكاها بطريقة جدّية جدا .... و ما ترك عندي مجال للشك .....
المهم هالكلام هاد انا كله متذكرته و كنت مقتنعة انو افضل شخص رح يسمعني هو اخوي اللي بالسجن ... لأنو عندو معلومات عن الموضوع اكتر من غيره .... بس ما كنت ناوية احكي معه اليوم في الموضوع ..... بس طبعا ما قدرت لأني كنت كتير متلهفة احكي معه ..... بديت اخبروا اني بقرأ عن الموضوع .... اخوي تفاجأ ... لكن ما انكر عليّ الموضوع و حكالي : منيح مش غلط لازم الواحد يزيد معلوماته ... حكيتلوا : الي فترة مصدومة من الأمور اللي بعرفها ..... جاوبني : مش كل شي تصدقيه و لا من أي محل ..... كان نقاش اخوي هادئ .... ما بعرف كيف حكيتلو : انا صرت منهم ( شيعيّة ) ..... فكركم شو كانت ردة فعل اخي ؟؟؟؟؟؟؟؟؟؟؟؟؟!!!!!!!!!!!!!
بعرف ما رح تصدقوا .............................
بس هاد اللي صار معي .............................
اخوي فرح كتير و بارك لي و هنّاني .............. تفاجأت من ردة فعلو انا كنت مفكرة انو رح يفهم عليّ ........... بس مو يفرح لي !!!!!!!!!
طلع اخوي الصغير متشيّع من زمان و احنا و ما معنا خبر ....... و وصاني : حكى لي في مذاهب كتير بس انت خلّيك عالمذهب الجعفري ..... فحكيتلوا : انا فعلا ماشية بهيك ..... بدا بدو يعلمني كيف الصلاة ... فخبرتو اني عرفت امور الاختلاف فيها ..... و انتقد طريقة لبسي للحجاب .... فخبرتو اني ما بقدر البس الحجاب متل الشيعيات لأنو رح يصير كتير ملفت .... فوافقني عالموضوع ........... طبعا ما عرفت لوين هو واصل بالموضوع و لا هو عرف انا لوين واصلة .... لأنو الحديث كان عبر الهاتف و اكيد الخطوط مراقبة يعني اغلب كلامنا ألغاز و بلغة الاشارة من خلال الزجاج اللي بينا ....
متأكدة انو في كتير ما رح يصدقوا ..... و انا كمان لسّا مش مصدقة .......... بس عن جد هاد احلى يوم الي من 3 شهور ........... يعني ما تزعلوا مني بس احنا هون شخصيات وهمية بالنسبة لبعض .... و اول مرة بحكي مع شخصية حقيقية .... لأ و مش اي شخصية ..... هاد اخوي يعني انسان ثقة ..... ما تتصوروا قديش فرحانة اليوم و مرتاحة .... قديش كنت امبارح كرهانة كل شي و يمكن كل الناس ...... هلا انا حابة كل شي و كل الناس .... حتى الوهابية !!!!!!!!!!!!!!! ما بكرههم و مش حاسة حالي بكره حد غير اليهود ربنا يذلهم متل ما ذلّونا ...... المهم احتمال اني رح اتعرض لهجمات جديدة بتمنى تخلص في 3 ايام اللي جاية ..... علشان لما اقدر ارجع اشارك في المنتدى تكون هاي الهجمات خافّة شوي ...........
بعرف كان لازم اكتب العنوان صدق او لا تصدق ......... بس هاد اللي صار و ما قدرت اني ما اكتبو ......... و عن جد حاسة الدنيا مش واسعتني ...........
ادعوا لزوجي و لأهلي انو ربنا يهديهم لمذهب آل البيت عليهم السلام مع اني حاسة الوضع صعب كتيييييييييييييييييييييير ( ازا ما كان عند الشخص دافع فعن جد الموضوع كتير صعب ) .... و ادعوا عاليهود ربنا يخلصنا منهم ومن قهرهم ( يا خوفي ناس يدعوا علينا و يدعوا لليهود !!!!!!!!!! ) .... مو مشكلة ........ سلااااااااااااااام يا أحلى ناس ..........
آآآآآآآآآمين اخي الكريم الله يهديني و يهدي الجميع يا رب ......... معلش اليوم مبسوطة كتييييييييير و ان شاء الله ما رح اتنرفز ..... سلاااااااااام يا شيعي لبناني
و الله بكتب و بقرأ في الردود و انا بضحك ..... بس يا رب ما حد يخرب علي فرحتي من هون لآخر هالليلة ....... يمكن شايفيني ببالغ بس انا حاسة في حمل كبير انزاح عن ضهري لمّا خبرت القصة لأخوي .... و اتقبلها ..... لأ و طلع متشيّع .......... يخرب فنّو كيف خبا علينا ؟؟؟؟؟؟؟؟؟؟!!!!!!!!!
بسم الله الرحمن الرحيم
اللهم صل على محمد وال محمد وعجل فرجهم
السلام عليكم ورحمة الله وبركاته
الاخت الكريمه مسلمة سنية تحية طيبه لكم
نبارك لاخونا في الدين و الاسلام اخوك الكريم ركبه سفينة النجاة و ان شاء الله و بحق الخمسه اهل الكساء و بحق الاربعة عشر معصوم ان يفرج همه و ان يخرجه من السجن يا الله
بالمناسبه هذا الدعاء دعى به نبينا يوسف عليه السلام عندما كان في البئر فنجاة الله تعالى من البئر فهم لهم محبه كبيره عند الله تعالى
اختي الكريمه نحن نعرف انكم تعانون في الامر و الله يساعدكم على ما تصادفون وتلاقون من امور صعبه ولكن يا اختي الكريمه نحن غير وهميون و ليس بمجرد النت موجودين فنحن ان شاء الله اخوتك و سندك واي شيء تحتاجين موجودين ولا تتعصبي من اي شيء يثيرك و خذي الامر ببساطه و حاولي ان تجاري الامر فرسولنا الكريم محمد صل الله عليه و اله وسلم جارى اهل قريش في السر و كانت الدعوه سريه و عمل بالتقيه فأتقي شر و حافضي على نفسك بدعوتكم و استمري بهذا النحو حتى لو تطلب الامر كثيرا فالله تعال يهدي من يشاء وهو على كل شيء قدير
نسأل الله تعالى و بحق الخمسه اهل الكساء الذي هم على عدد اصابع اليد الواحده و بحق الاربعة عشر معصوم و الذي هم على عدد شقوق الموجوده في اليدين ان تهدي و تلين قلوب زوج اختنا الكريمه مسلمة سنيه و اخوتها جميعا و عائلتها يا ارحم الراحمين
اخي عبد محمد مو مشكلة اليوم مفتوح ......... اليوم ما حدا قدي ........ يعني لو بينفع اوزع عليكم حلو ما بأخر ... اللي بيحكي كلمة طيبة او اللي بيحكي كلمة سيئة مو هاممني اليوم ........... الله يطلع اخوي بالسلامة و يفك اسره هو و باقي المساجين .....
مفاجأة .............
العرض العادي
