[خالد محمد مهدي]

**
(( مرار الدهر))
************
الدهر مايوم غيَّرنه وهمنه
سلآني وحالي علَّه وكَلبي ممرود
حيَّرنه بمرار الطف وهمنه
بظلمة ليل سرنه بدرب مسدود
أبد ماصاحبنه أيامه وهمنه
سهامه أمسممه تعرف المقصود
ونواعيره تدير ألهم بلمنه
وسواجي عيونه ناطره للجود
شحيح الماي مايمنع بلمنه
كل وكتي مرار أيغيب ويعود
ظلمه الدنيه ماتسوه بلمنه
شمس غابت وماتشرق عالورود
بجف الحزن شدّينه عزمنه
طوه حيلي جرورحي وبي بعد زود
على سفرة مضايفنه عزمنه
بين وبين ألنه يرجع ردود
نصبنه ضلوعنه خيمة عزمنه
ماخله الزمن لاوتد لاطود
أول مابده بالسل سلمنه
خلّه الضلع منهه ينزف جبود
وماظن كَلبي من غدره سلمنه
يشمت لو نظر دمعه عالخدود
يمن تنشد على جوره سلمنه
باب وضلع ألهه ومحسن شهود