قصيدة / عشتي بْغربه وْالام
................................
......................
يام الحسن وحسين حزن مْصابچ حزنين
عشتي بْغربه وْآلام – بعد الهادي المختار
يام الحسن وحسين حزن مْصابچ حزنين
..............
يام الحسن عشتي بْحزن شفتي الاذيّه – حْملتي القهر دمعچ دمه ايا الزچيّه
جارو عليچ ابلا ذنب گوم الرديّه – حالچ صعب ما ينوصف من هالرميّه
ما رحموچ الظلام – شفتي الوان الاخطار
يام الحسن وحسين
..............
بعد النبي عادوچ يالبضعه الحزينه – شْيوخ الظلم واهل الحقد خانو نبينه
وْغدرو وليّ الله خليفتنه وْ ولينه – سنّو عهد مشؤم بيه احنه ابتيلنه
حِرفو دين الاسلام – عادو بيت الاطهار
يام الحسن وحسين
..............
بْيوم السقيفه هناك معروفه الروايه – حقچ يزهره الضاع هاي اول بدايه
وْحق الوصي النكروه ما رادو ولايه- فوگ المصاب البيچ راووچ الرزايه
ظلمه وْ سوده الأيام- من لوعات الأشرار
يام الحسن وحسين
..............
بْنار الحقد دارچ يزهره من رموها – صارت اساس الكربله ولدچ ولوها
ابشع جريمه ظالمه عْيالچ سبوها – منهم جرت كل هالفتن همّه البدوها
كل حكم الهم ما دام – والعاداكم بالنار
يام الحسن وحسين
.............
بابچ عليچ مْن انعصر گلبچ تِفسّر – گبل الجنين اللي سگط ضلعچ تكسّر
الله اليعينچ عالجره وْعاللي تِجبّر – شيخ الرذيله اللي فته وْكلمن تِجسّر
واليحسبهم اَعلام – ويّاهم شال العار
يام الحسن وحسين
..............
بْهاي المصايب والجره گربت منيتچ – مْصاب النبي وْمُر المحن ازّم قضيتچ
حالچ صعب جرحچ كلف ينزف دليلچ – ما ودّعچ خير العمل ساعة رحيلچ
ظلّو ولدچ ايتام – الدار عْليهم ماصار
يام الحسن وحسين
.................................
......................
خادم اهل البيت ( عليهم السلام )
الشاعر الحسيني
سعيد الفتلاوي الطويرجاوي
قصيدة / عشتي بْغربه وْ آلام
العرض العادي
