[حبيبي الحسين]

السلام عليكم
اللهم صلِ و سلم على محمد و آل محمد
السلام عليكم و رحمة الله و بركاته
كلمات القصيدة
***
آيحسين وامصابه ++ لجله العين سجابه
***
هالجلمة يا هاو اللي كتبها مدري
وبدمي هالجلمة بعروقي تجري
هالجلمة ويّايه ابتدت من زغري
ما تنتهي حتى بنهاية عمري
رغم الموت واترابه
تبقى وياي ندّابه
***
آيحسين وامصابه ++ لجله العين سجابه
***
هالجلمة من شرع الحزن بمحرم
صارت فرض بيها يصيح المأتم
هالجلمة واجب عاللطم تتقدم
مثل الصلاة تتوضى لو تتيمم
ارض الآه أسبابه
من عاشور واصوابه
***
آيحسين وامصابه ++ لجله العين سجابه
***
هالجلمة قالولي كتبها منظور
وحسين خلَدها على صفحة نور
هالجلمة صفحتها قبلها المنحور
من بصم ابخنصر يمينه المبتور
حبر حسين واخضابه
دم يلوح بكتابه
***
آيحسين وامصابه ++ لجله العين سجابه
***
هالجلمة ما تتثمن بأنفاسي
واغلى من اسنيني وهلي وكل ناسي
هالجلمة بحسين افجعت إحساسي
واتمنى فدوة لراسه قطعو راسي
ولا عزان محرابه
وجسمه الخيل تنتابه
***
آيحسين وامصابه ++ لجله العين سجابه
***
هالجلمة من أسمعها أذكر زينب
جن ليلة الحادي عشر تتغرب
هالجلمة مثل خيام اخوها التلهب
ما تنطفي شمانلطم شماننحب
ظَلْ هالنار لهابه
للموعود واغيابه
***
آيحسين وامصابه ++ لجله العين سجابه
الفيديو جدا رائع وهذا هو

تحميل الفيديوو ..
http://www.free-hoster.cc/users/alisalil/Ali-Mahdi.rmvb