[Nakheel_Aliraq]

كتبت هذه ألقصيدة وأسمها : ( كافي نهدم بالوطن ) .



ألعراق شمحله بيه ألناس منجمعيــــــــن وشمحله ألعراق ألكل بيه عراقيين

ألعراق يعني ألتاريخ وكل ألحضـــارات بابل أكد سومر وأشور متعايشيــن



ألعراق ألجنه من يوم ألصار أسمه عراق غابات ألنخل جانت سور للطيبيـن

ألعراق جنة طوايف بيه كل ألنـــــــاس ودجله وفرات ألبيه متكونيـــــــن



وألوطن مو بس ألي ولفــــــــــــــــلان ألوطن يجمع كل ألملونيـــــــــــن

ألوطن مو للبعث لو لأيتامه ألغـــــــدار ألوطن للبيه متجنسيــــــــــــــــــن



ألعراق يريد مني ومنك أيد بأيـــــــــــد ميريد ألملثميـــــــــــــــــــــــــــن

ألعراق يريد قلب أبيض صافي مثل ألماي ميريد هذا ألماي واحد يخبطه بطين



ألعراق يريد لمة عشك للفرحــــــــــات ميريد بيه ألمنغصيــــــــــــــــــن

أذا نفرح للفريق ألفاز وهذي فرحة عيـد لازم يفرح ألكل ألبيه محتفليــــن



مانطعن بالحكومه ونوقتها بالأفـراح نقطة ضعف منكم لأنكم غير متوفقين

ألفريق أهدى ألكاس لأم ألشهيد حيدر وألوطن كله سجب دمع ألعيـــــن



وماشفنه بالنصر منكم واحد أهدى ألفاز ولاشفناكم مكيفيــــــــــــــــــــــن

شفنه مزامط وتهديد للـــــــــــــــــدلال وندري أليزامط بس ألمخنثيـــــن



صح أليزامط بعض منهم شريف أطباع ولكن أكصد ألمتوتريـــــــــــــــن

مو تدك باب ألوطن كل يـــــــــوم دكها بالكلفات وأنت تشوفنه محزمين



شيبنه ياتناقض من كثر هالدكـــــــات يوميه تدك ألباب وتكلنه منسحبيـن

وأحنه نعرف مربط ألخيل هنـــــا وألرسن بيد ألجوكي مو بيد ألأنتهازيين



ألشريف أطباع ألداس عالأرهـــــاب وهزم ألأرهابييـــــــــــــــــــــــن

ستار ابو ريشه واحد من ألعراقييــن شد ألهمم أوقاتل ألذباحيــــــــــن



من هذا ألشريف ألعنده طبع أجــــواد يستاهل نكرمه بمنصب أعلى وزين

وأن مثله ألمناصب أبد مايحتاج همه ألوطن من يشوف بيه ألناس ملتمين



نحتاج أليخدم ألحكومه حته تصيـر مضرب مثل حته ألشعبنه تعيـــــن

نحتاج ألأمن وألأستقرار وألطيبات وشمحلانه لو جنه ياأحزاب متحدين



كافي نهدم بالوطن وألدم يسيل أنهار كافي نتذابح ياعراقيين بسجاجيــــن

كافي نشوف بهذا الوطن متهجرين لو بجياس يوميه ألجثث ميتيـــــــــن



من هذا ألعراق نريد كل ألنــــــاس قلب واحد بيه متصافيــــــــــــــــــن

من هذا ألعراق نريد ألسياسييـــــن بالشدات متفقيـــــــــــــــــــــــــــــن



سيد أحمد ألعباسي

[حوراء23]

اللهم صلى على محمد وال محمد
السلام عليكم اخي نخيل العراق اشلونك انشاء الله بخير وعافيه
خويه والله مادري شنو اقول لو اعلق غير اقول ربي ينظر ويشاهد هل ابرياء الي جاي تروح من غير ذنب فقط لانها شيعه البارحه كنت في موقع اكيد زايره
اسم الموقع عالم ابادة الشيعه والله اليل كله مانمت من الي شفته مادري شنو اقول اشلون راح تكون الوحده مادري شباب وشيوخ ومهاتنه واطفالنه كلهم راحو خويه منو جاي يسمع من نقول كافي ارهاب هم همهم انهاء الشيعه وبس
بس الله بالمرصاد انشاء الله يبعثلهم ريح تقلعهم من اجذارهم بحق محمد وال محمد والله سبحانه وتعالى قدر على كل شيء ان ايوحد اهلنا في داخل بلدنه
ومشكور خويه والله يعطيك الف عافيه