[الشاعر الغريب]

بسم الله الرحمن الرحيم

اللهم صل على محمد وال محمد الطيبين الطاهرين

واللعنة الدائمة على اعدائهم اجمــعين من الاولين

والاخرين

يتصو ر البعض باننا نخاف او نخضع في يوم من الايام لا والله فلقد علمنا الحسين الشموخ والأبا ورفض الذل وعلمنا على الصبر والفداء

ونحن نعلم بكل شيء ولكن حلمنا كبير وطيبتنا لا توصف فنحن ورغم ما يجري صابرون ولقد كتبت هذه القصيدة ليسمعني الذين يتصــــورون ذلك

التصور اعلاه




تيهت الجمل والفاعل ومفعول

وترتيبب الكلام ايخربطه اعــــــــــــــرابي

وادري باليحب ميلومني شماكول

يعرف باللي بيه كلــــــــــــــــــــه والما بي

اريد احجي بعلن هاليوم عالمكشوف

وابين لوعتـــي وارد اشــــــــــــرح اسبابي

واريدن بالمباشر انقل الاحداث

وبحرقه والم راح افتح ابوابــــــــــــــــــــي

ويا هم الاذكره وياجرح احجيه

مدري منين ابدي واشــــــــــــــرح امصابي

شخيط يافتق ياشق اروفن بيه

شو ظل بالعكــــــــــس ينــــــــــــدار دولابي

اشوف احبابي منتظره الفرج كل يوم

ودمعة شوق اشـــــــــوف بعـــــــين احبابي

رغم كل الالم وتعيش بالاحلام

وسراب اصبح حلمهه وساســـــــــه جذابي

شعتب والعتب بس ينفع الاحباب

وادري اويه العده ماينــــــــــــــــفع اعتابي

اذا يوسف نبي واخوانه غدرو بيه

شلون اكدر أأمن ناســـــــي واصـــــحابي

ملاج بوطنه البرلماني اليوم

واصبح هالشــــــــــــــعب هم سايق وجابي

رضينه بهالنهب بس دمنه ليش ايسيل

وليل انـــهار اسمعه ينعق اغــــــــــــــرابي

بعد بيمن اثق كل الشعب نهبوه

وبكل الدوائــــــر صفّــر احســـــــــــــــــــابي

عايش هالشعب من رحمة المعبود

واحســـــــــــن من ملوك اتعيـــــــش نوابي

واذا يغضب شعبنه ينكلب زلازال

ويصبح من جــــــــمر لو يغضـــــب اترابي

كلشي دونت كلشي كتبته بنوح

وبس حزن والم مـوجود بكتـــــــــــــــــــابي

وشسولف عالامن وين الامن موجود

اذا نائب رئيس ويطلــــــــــــــــــــع ارهابي

[عبدالله خلف العتابي]

روعه من روائعك تستحق
الاحترام على ما ابدعت
ايها الشاعر الغريب
اخوك الاصغر
العتابي

[الشاعر الغريب]

الاخ الموالي عبدالله

مرورك المستمر حيرني كيف اشكرك

ايها الشاعر المبد ع وارجوك ان تعذرني ان لم اجيب على ردودك كلها فلا اريد ان اكرر نفس الكلام

تقبل حبي وتقديري واحترامي

[سفينة البحار]

قصيدة رائعة
رسمت ملامح المعاناة بريشة
شاعر غريب
دمت مبدعا

[الشاعر الغريب]

اليك ياسفينة البحار اقول

ابداعنا من دعاءكم ووجودكم

واشكرك جزيل الشكر على هذا المرورالمبارك