كل حركاتكم وسكناتكم في حب علي مباركة
أغالي بحب علي حيدر وأغالي
أميري بأولى وبأخرى وأغالي
حبيبي وما إلي غيره وأغالي
بدنية وآخره حامي الحميه
جنة الله الغري
يل تريد إتزور الكعبه ومناها ...... إكصد الأرض الغري وقبل ثراها
منوره بحيدرعلي .... جنة الله الغري
***********
الكعبه بيت الله ونحـجـه فرض مـره ..... والـفـرض بالأستـطاعـه شـرط تـدره
ويمكن إتعـوض الحجـه تـدري عـمره ..... وعـن أبـو الحسنين وزيارتـه إقـره
الله بالقرآن أفرضها فرض .... زيارة الكرار ويسأل بالعرض
وينه توقيع الولي .... جنة الله الغري
***********
عــن ولادة حيـدره بيـا بيــت إســـإل ......... تروي الأخـبار إبيــــت الله أقـبــل
الكعبة صارتله مهد حيدره من هل ...... ومريم إم عيسى إحضرت وجبريل هلل
فتحت الجدران الكعبه وحضنته ...... وسجدت سجدت شكر بولادته
والأثر ما ينجلي .... جنة الله الغري
*************
هذا حـيدر والملـــك تبتهــل بسـمــه ..... رسمـت حيدر بالسمــه وتزور رسمـــه
شلون وبأرض الغري روحه وجسمه ...... وأقســـم آنه الغري من الكعبه أسمـه
الكعبه أيام بعلي تشرفت هيه .... والغري ضم روحه وجسمه سويه
من تجاوبني بلي ...... جنة الله الغري
*************
خـــل تكول النـاس أغالـي بحبــه حيدر ...... هـو إصــول الديـن والـكـرار أكـبـر
لـولـه حيـدر لا فـرع لا أصــل يذكـر ...... هـوه كـل الـديـن بسـمـه الـنبـي أهــد ر
هوه القرآن ربك بيه شهـد .... ولوتريد أكثر أنه أزيدك بعد
ردده ربٍ علي ..... جنة الله الغري
*************
خـل نســولف بـيمـن إنـول الشـفاعـه ........ أقـسـم بـرب العـرش حـبهـم الطـاعــه
هـم حـيـدر عـلي وأولاده البـضـاعـه....... وحـبهـم البـاري شـرحـه بـكتبـه وذاعــه
بدنيه وبآخره يمك يا علينه .... من نطيح بشده غيرك ما يجينه
غير حيدر ما إلي .... جنة الله الغري
************
مـن تريـد اتشاهـد الـجـنـه وأهـلهــه ...... أكـصـد لأرض الـغـري الـحيـدر نـزلـهـه
ولـثـم تـراب الـغـري والدمعـه هــلهـه ...... تشـاهـد أمـلاك السمـه بالـحضره كلهـه
صاعد ونازل ترابه يلثمه...... والعطور ترابه لأملاك السمه
والله أشريها بهلي ... جنة الله الغري
ابوتكتم الخير
قاسم طاهرالقاسمي ( 5 / رجب /1433 )
جنة الله الغري ( في ذكرى ولادة أميرالمؤمنين علي عليه السلام )
العرض العادي
