[مآسي]

السلام عليكم ورحمة الله وبركاته

عظم الله اجوركم بهذا المصاب الجلل

القصيدة خاصة بالمسابقة الشعرية وهي بعنوان

لوحة قدسية (وزن التجليبة)

المستهل

من طاح ابو اليمه الكاع ضوّاهه


اومن دمّه الطفوف اتّضح معناهه


بدمه اكّد... هـوّه الاجود...بالرجال


*************
1
ابو اليمه الهمم والغيــره والعفـــــــه


ملائكــــة السمــاء اتباهت ابطفـــــه


رســـم اعظم معاني الزود من وفــه


بحر واهل المراجل غركَت ابجرفـه


(شوصّف والطفوف ابدمّه روّاهه)


اسمه خالد...يبقه شاهد ... لايزال


*********************
2
ماهـــــــــاب النوايب هنّه هابنّــه


ولايــــوم المنايه اتكَرّبن منّــــــه


وجفوف العرش من طاح شالنــه


لان الباري رادَ ايعطّر الجنّــــــه


(جاب الجنه بالطف يمه وطّاهه)


حّبه جنه ... بشره النه ... ابْلاجدال


****************
3
منهو ابْن البتول الطاهره الحـــره


منهو الجان من المصطفى سَـــره


منهو بالعـوالـــــم مشتهر امــــره


بس حسين جرّب واكَصد الكَبــره


(كنوز الرحمه يمّه الباري خلاّهه)


كَبره روضه ... بحبه يرضه ... ذوالجلال


********************
4
اسرار العزم من عزمه عرفوهـه


وجفوف المنايه ابجفّه لاووهــــه


باوع رايته ابكل صوب نصبوهه


مـــو بالكــــــاع بالدلال خلّوهـــه


(اوموانسان رب العرش علاّهه)


هذا يعني ... هوَّ معني ... بالكمال


******************
5
موحقهه العقيله ابفكَده محتـــــاره


تدري الموت بس حسين صكَّاره


والعــدوان كلهه اتهاب بتّــــــاره


ابو السجــاد تلوذ الناس باكتــاره


(اهل الزود هـوّ الحامل لواهــه)


هذا واضح ... بالملامح .... والخصال


*******************
6
سيفـــك سيــف ذو الفقــار مازنجـر


مـــاشــاف الغمـــد لحظات وتعـــذّر


الجثث خــــلاّهه بالميدان تطّشّــــــر


ابـــد والله المنيــه اعليك ماتكَـــــــدر


(والثوار منك صار مسراهـــــــه )


منك انت ... اخذ همته ... في القتال


*****************
7
تظل حـروف اسمك لوحــــه قدسيـه


رمـز للزود اوملاحـــم بالفروسيــــه


اوتظل للــدوم ثوره اعله العبوديــــه


اوعله الطغيان صوتك صرخه مدويه


(ويه الكَاع صوتك والله ساواهــــــه)


هوّ هزهم... اتحده عزهم ... والمحال


******************
8
يبو الصولات بيك الشيعه يفتخرون


يريت ابـــدربك الاجيال لـو يمشون


يقيناً جـان بيك اهـــواي ينصلحـون


بيك من الوحي الكرار ســر مكنون


(وحــق رب الجلاله والنبي طــه)


تبقه النه... يااملنه ... في الوصال

ارجو ان تنال رضاكم

[ابو ظاهر البركي !]

اللهم صل على محمد وال محمد

عظم الله لنا ولكم الاجر
وسدد خطاكم لخدمة الحسين عليه السلام

ورزقنا واياكم شفاعته يوم الورود


قصيدة صيغة بالحب الولائي
طيب الله انفاسكم اخي الجليل




اخوكم
ابو ظاهر البركي

[الشاعر حسن خليفه]

اللهم صلي وبارك على محمد وال بيته الطاهرين

بارك الله بك اخي / قصيده رائعه وجميله

وحروفك تكلمت بصدق ودرايه

جعلها الله في ميزان حسناتك

ووفقك لكل ماهو خير

خادمكم الشاعر

حسن خليفه

تحياتي

[حيدرعناد]

احسنت واجدت وابدعت وجزيت خيراانشالله بماكتبت

[مآسي]

السلام عليكم ورحمة الله وبركاته

اللهم صلي وسلم على محمد وال محمد والعن اعدائهم اجمعين الى يوم الدين

اخوتي الاعزاء

نورتم صفحتي بمروركم العطر بارك الله لكم وجعلنا الله واياكم مع السالكين في نهج ابا عبد الله الحسين (ع)