[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

إنهــــــــضْ يبــــــــــــن الزهـــــــــــــره
ــــــــــــــــــــــــــــــــــــــــــــــــــ ـــــــــــــــــــــــــ
بالهادي إنعزّيك إبعبره == يلمهدي إنهضْ يبن الزهره
والحزن بينه == من يواسينه
يلمهدي إنهض يبن الزهره
ـــــــــــــــــــــــــــــــــــــــــــــــــ
لعد سامره روح إو إندب الهادي == دمع هِل إبحضرته إصرخ إو نادي
وإحنه إوياك ياغايب نزوره إبشوق == صوت الحق يظل بالحب حلو شادي
يلغايب نجريه المدمع == ممروده الروح إو تِتْوجّع
غاب والينه == من يواسينه
يلمهدي إنهضْ يبن الزهره
ـــــــ
يلمهدي الفرج مولاي نِنْتظره == تظهر سيدي وإتشوفك الحضره
تاخذ ثار كبة جدك الطاحت == من فعل النواصب والرَدَه اليِسْرَه
من فعل الزمره المشؤومه == ظلّتْ بالحسره المظلومه
نار تجوينه == من يواسينه
يلمهدي إنهض يبن الزهره
ـــــــــــ
نعزّيك إبرحيل العاشر الطاهر == سمّوه النواصب وإنطفه الزاهر
خوارج عالهُدَه والدين بيهم عار == طفح هذا الحقد بيهم غده الظاهر
نِتْنَطّر من تاخذ ثارك == ثوّارك إحنه إو أنصارك
راح هادينه == من يواسينه
يلمهدي إنهضْ يبن الزهره
ـــــــ
ماكفَاهم السم والظلم باغين == إجو هاليوم هدموا كبة الطيبين
يريدوها مثل أرض البقيع إتصير == مخفيّه القبور إو ما تشوف العين
بس أنوار الحق ما تخمد == أنوار إو مصدرها إمن أحمد
وبمآسينه == من يواسينه
يلمهدي إنهض يبن الزهره
ــــــــــ
إحضر سيدي يلمهدي مأتمنه == علي الهادي مضه إبهليوم فاركنه
نِنْتظرك يبو صالح أمل عدنه == يصعد للأعالي زود رايتنه
وإنعيش إبخيرك مولانه == كل واحد ياخذ عنوانه
نور يهدينه == من يواسينه
يلمهدي إنهضْ يبن الزهره
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dldaf530592.mp3.html

[رياض الرسل]

السلام عليكم


شاعرنا الغالي والرائع
جابر النجفي

مبدع اين ماتكون حبيبنا الغالي
موفق على هذه الكلمات الرائعه
الله لايحرمنا منك ابد
دمت بكل خير

رياض الرسل

[ثورة الحسين]

تسلم على الموضوع القيم والرائع
ت
ح
ي
ا
ت
ي
واهدي اليك هذا الدارمي بقلمي
ــــــــــــــــــــــــــــ
باب الحوايج سموك كل حاجه تكضيه
واطيب العليل ابساع والعله تشفيه

[جابر النجفي]

اقتباس : المشاركة الأصلية كتبت بواسطة رياض الرسل [ مشاهدة المشاركة ]

السلام عليكم شاعرنا الغالي والرائع جابر النجفي مبدع اين ماتكون حبيبنا الغالي موفق على هذه الكلمات الرائعه الله لايحرمنا منك ابد دمت بكل خير رياض الرسل

ــــــــــــــــــــــــــــــــــــــــــــــــــ ـــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ الغالي الشاعر المبدع رياض الرسل
السلام عليكم ورحمة الله وبركاته
شكرا للمرور الطيب وفقك الله ورعاك

[جابر النجفي]

اقتباس : المشاركة الأصلية كتبت بواسطة ثورة الحسين [ مشاهدة المشاركة ]

تسلم على الموضوع القيم والرائع ت ح ي ا ت ي واهدي اليك هذا الدارمي بقلمي ــــــــــــــــــــــــــــ باب الحوايج سموك كل حاجه تكضيه واطيب العليل ابساع والعله تشفيه

ــــــــــــــــــــــــــــــــــــــــــــــــــ ــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ الطيب ثورة الحسين
السلام عليكم ورحمة الله وبركاته
اشكرك وفقك الله ورعاك