من وزن العكيلي ...... شلي بعيني ... شعر ..ام هدى الخزاعي
____________________________________________
شلي بعيني شلي ابعيني .... لو ماتبجي لاجل حسيني
....
لوماتبجي لاجله اعميها ..... جاالمن ربي مسويها
لحسين ودمعه مخليها ...... منذوره ومحسوبه الديني
لو ماهملت لاجل حسيني
....
منذوره ونص اسمه اتسمت .... ماحاجه انصورها انفهمت
هالنعمه من دموعه اتعلمت ..... -حبه النور الي ايدليني
لو ماهملت لاجل حسيني
....
حب حسين النور الأمثل .... صار بروحي وعيني اتكمل
لوماحبه اعيوني اشتندل .... جان اعله الزله اتوديني
لو ماهملت لاجل حسيني
....
ياعيني ابجيه اعله امصابه .... والصار بولده واصحابه
وبدمعج غسليله اخظابه .... وطفي النيران التجويني
لو ماهملت لاجل حسيني
....
ياعين ادموعج وشليها .... ماريدن دمعه اتخليها
مرديها فصوصج عصريها .... وبدمعج للجنه اخذيني
لو ماهملت لاجل حسيني
....
ياعيني وجرحيلي اجفونج ... تدرين الناس ايعرفونج
شيعيه وثوره ايسمونج .... راويني ادموعج راويني
لو ماهملت لاجل حسيني
....
ياعيني ادموعج ظهريها .... موكب فوك الخد اجريها
والزهره بدمعج عزيها .... وصرخات ادموعج سمعيني
لو ماهملت لاجل حسيني
....
سمعيني الصرخات بلوعه .... واجريها ادموعج مفجوعه
عالخد اتحدر مطبوعه .... حركي احساس الحب راويني
لو ماهملت لاجل حسيني
....
عن دمعج ياعيني اشاحجي .... وياأجرانحصل من نبجي
جنه ومن حيدر مترجي .... من جفه الكاس يرويني
لو ماهملت لاجل حسيني
....
ياعين ابدمعج جم مسند .... عن كل معصوم وعن احمد
بس دمعه الحسين اتبرد .... نيران وثابت بيقيني
لو ماهملت لاجل حسيني
....
بحب حسين ارواح اندلت .... عالخير ويم ربها انقبلت
جي ركعت يم بابه وصلت .... طهرو من قبل التكويني
لو ماهملت لاجل حسيني
....
شلي بعيني !!!! شلي بعيني ؟؟؟؟
العرض العادي
