[دكتور كاظم المعقلي]

من وزن الهجري --- هويتي -- شعر00 د- كاظم جاسب المعقلي
--------------------------------------------------------------------------------------------------
آنا شيعي وعالي صيتي ......... وحيدر اموقع هويتي
علهويه اسم الولي
لافتى الا عــــــلي
وحيدر موقع هويتي
________________
عالهويه اسمي الثلاثي ............ ناجي خادم حيـــدره
واللقب مكتوب بيها ............ الناصر اللي ناصره
ونافذه اتظل الهويه ............ حتى يوم الآخـــــره
وبيها توقيع ابو اليمه ............ وناقل اسمي ابدفتره
وذاخر ابشاره الي
لافتى الا عــلــــي
وحيدر موقع هويتي
_______________
صوره موضوعه بهويتي ............ امنزله ابصف الاسـم
وجهي بيه حب الصميده ............ واضح بكل الرســــم
علوجه واضع شعاره ............ المرتضى وخاتم ختم
ماتمسه النار دومه ............ امحرم بروح وجسـم
بسمي لازم يعتلي
لافتى الا عـلـــــي
وحيدر موقع هويتي
_______________
ولوردت رقم الهويه ............ دقق انت بموضـــعه
اثنين يمها اربعه صارت ............ وأربعه اتلاثه اربعـه
هايه ركعات الصلاة ............ البيها رفعه ومنفعـــه
رقم واختاره الصميده ............ وختم يمه ووقعـــــه
رقم بيه الحق جلي
لافتى الا عــــــلي
وحيدر موقع هويتي
_______________

سطر للعنوان بيها ............ واصفه ابأروع وصــــف
السكن صحن الحسين ............ أتلاكه وي ارض النجف
هذا عنوان الموالي ............ وبيها محد يختــلـــــــف
وبيها أرواح البرايا ............ اباســـــــــم حيدر تأتلف
وبالمشـــاعر تمتلي
لافتى الا عـــلــــي
وحيدر موقع هويتي
_______________
عالهويه انوضع طابع ............ بيه ضريح وبيه صحن
ويمه سيف وجف يشيله ............ جف ابو حسين وحسن
هالشعار أصبح علامه ............ وما يثمنونه ابثمــــــن
يعني مفهوم الهويه ............ الشيعي فايز بالأمـــــن
أبفضل حبــه الازلي
لافتى الا عــــــــلي
وحيدر موقع هويتي
_______________

واسالكم الدعاء(21-7-2007)