[ابو ظاهر البركي !]

عندي وياك طلبه يالتعنيت
لبو السجاد توصلهه بمجاني


سقيم مرادي طول وأنه مليت
أريد الي ينام بنص حناني


ونذر ياصاحبي لوصار وحويت
أصوغن منه بلسم لليعاني


وأربيه تربيه بحب أل البيت
وأجعل منه صاحب للنخاني


وأعلمه عللصلاة وشلون صليت
وأوصيه بالصيام الي جزاني


وبسم حسين أسميه لون سميت
وأوكفه بيوم من جنت أوكف أني


وأجعل منه كربه توزع الماي
بيوم ألأربعين الي جواني


وأحزمه بيوم تمشي مشي الزوار
يوزع ألأكل ألهم بالصواني


وأعلمه الشعر يكتب بسم الحسين
وأخليه يكتب بأحلى المعاني


وأصيحن لليجي مشاي لحسين
هذا أبني من أبو السجاد أجاني
هذا أبني من ابو السجاد أجاني





أكيد ماراح تنسوني




أخوكم وخادمكم
أبو ظاهر البركي