قبل ما اكتب ردّي اللي ما بعرف ازا رح يكون الأخير في هالموضوع او لأ ... بس بحب أشكرك أين الحق على حوارك و على طولة بالك على تأخري ... و الحقّ يُقال كنت من أكثر الناس احتراما في الحوار معي >>> لهيك بشكرك ... و ما بنكر انّك استفزيتني و أثرت غضبي احيانا ( في هاد الموضوع ... و أكثر في المواضيع الأخرى ) ... لكن لمّا أهدا برجع بلاقي حالي بعذركم ... لأنّو عندكم امور مسلّم بها عن الشيعة و ما بتقدروا ( و ما بدكم ) تغيروها و هالشي بيكون معكم من بداية الحوار ... و للأسف هالحال مع اغلب السنة ... يعني اليوم سمعت كلمتين عن الشيعة من والدي ( طبعا ما بيعرف لا من قريب و لا من بعيد اني تشيّعت او انّي مهتمة بالموضوع ) و سمعت الكلمتين و حسّيت بغصة بقلبي بس ما قدرت افتح تمّي !!! و سمعت كلمتين برضو من أمي ( كمان اليوم ) و امي حاسة و شاعرة بالموضوع ( وصار بينا حوارات سابقا ) و برضو آثرت أسكت ... لأنّي ما بدي أعمل مشاكل في الوقت الحالي اللي فينا مكفينا و لأنو هاي الأمور مسلّمات ما بدهم يغيروها ... و أخي ( شب مو كبير و أصغر مني ) صار بينا مشاكل من هالقصص و حاليا بيجاهد انّو ما يفتح معي الموضوع ( حاسة انو هو و إمي و خواتي متفقين انهم ما يفتحوا معي الموضوع لحتى ما يصير مشاكل ... بس اليوم امي دسّتلي كلمتين .... و لمّا ما ردّيت تسكّر الموضوع )
الخلاصة >>> اني كتير بتضايق من الكلام اللي بتحكوه ... لكن للأسف هاي مسلّمات عندكم ... بتمنى يجي يوم أحاور شخص ممكن يصبر متلك بس يكون بيبحث عن الحق فعلا ....
ما بعرف بس حبّيت أكتب لك هالرد قبل ما اكتب تعليقي اللي يمكن يكون الأخير عالآية ....
العرض الشجري