[** مسلمة سنية **]

السلام عليكم و رحمة الله و بركاته

هل تقبلين أن تحاوري مستجدة في التشيّع في حوار صادق بدون مراوغات ... و لنجعل كلانا انا و انت و كل القرّاء لعنة الله على الكاذبين في هذا الحوار ... فهل تقبلين ؟؟؟

فالكذب صفة كريهة بغيضة ... و بصدق من أسباب تشيّعي اكتشافي لكذبات البعض ... فبارك الله في من يكشف عن أكاذبيهم ... و لا أخفيك و لا أخجل أو أتردد من قول انّي لست ملمّة بكل الأمور العقائدية الشيعية ... انّما انا مقتنعة بأسباب تشيّعي ... يعني أقول لمن كان يتهمك >>> كيف تشيّعتي و انت لا تعلمين عن التوحيد عند الشيعة ؟؟؟ أقول لهم >>> انا تشيّعت و انا لا أعرف عن التوحيد عند الشيعة ... و لم أكن أعلم أنّ هناك فرق !!! انّما كانت أسباب تشيّعي و بحثي في مضمار آخر كأحقية أمير المؤمنين عليه السلام بالخلافة ... كظلامة آل البيت عليهم السلام ... كأحقية اتّباع آل البيت عليهم السلام ... و بعض الأمور التي حين تيقّنت منها تشيّعت ... ( ما ذكرت كل شي ... مواضيعي موجودة بالقسم لمن أراد ان يعرف أكثر ) ... المهم ما كنت بعرف كل شي ... و شوي شوي عمّالني بتعرف على أمور جديدة ... و بسأل ازا واجهني شي جديد و ما فهمتو ... هاي حقيقة ما بخجل أبدا احكيها ... و يمكن كنت صريحة زيادة عن اللزوم في كتير من مشاركاتي لأنو هاد طبع ... و الطبع بيغلب التطبع ...

طيّب ... أنا هلّا وقفت معك انو المتشيّع مو ضروري يكون ملم بكل امور المذهب الجديد الذي انتقل اليه <<< أنا لهون معك لكن يجب وجود اسباب قوية لهذا الانتقال

نرجع لشرطنا >>> حوار صادق و لعنة الله على الكاذبة بيننا

****

لن أسألك ان كنت تشيّعت ... الموضوع هاد نفعو أو ضررو بيرجع الك لحالك ... بس انت بتحكي باسم انسانة انتقلت من مذهب السنة الى مذهب الشيعة ... على هالأساس في أمور لازم نقف عندها و نوضحها ...

اعترضت كتير بموضوع أين الحق على موضوع الشاب الأمرد و سألتيني :

اقتباس :

مسلمه سنية سألتك سؤال محدد عندما كنت سنية هل كنت بالأحاديث هذه عالمه

فأجبت بصراحة و بدون ما أجامل حد :

اقتباس :

شاب أمرد >>> لأ بعمري ما سمعتها ( لكن مش معناه انو هالشي مو موجود عند البعض ) لكن كنت أسمع انو ربي بينزل بالثلث الأخير في الليل الى السماء الدنيا ... و كنت بصدق هالكلام ... لكن بعد التدبر في كلام الشيعة وجدته مقنعا ... فالثلث الأخير موجود على الكرة الأرضية في كل وقت ... حاليا بفلسطين ... كمان شوي بمصر ... بعدو بليبيا و هيك >>> فهل ربنا بيغادر السماء الدنيا ؟؟؟!!!!! و متى كما انّ الله في كل مكان و كل زمان ... فكيف حصروه بمكان بعينه و بوقت بعينه ؟؟؟!!! كنت أعرف انّنا سنرى الله يوم القيامة ... و بعد حوار طويل و جدت وجهة نظر الشيعة مقنعة في عدم امكانية رؤية الذات الإلهية ... الحديث القدسي الذي يصوّر الله بأنه يهرول >>> نعم كنت أسمعه طبعا انا بحكي عن الأمور اللي كنت اسمعها ... الأمور اللي ما سمعتها عدم سماعي لها لا يعني عدم وجودها عند البعض

لو كنت بطبيعتي بجامل ... كنت جاملت و استرسلت بأحاديث الشاب الأمرد اللي بيرددها الموالين ...

لكن انا لمّا كنت سنّية و كنت أقرأ بالمنتدى عن الشاب الأمرد ما كنت أهتم لأني كنت بعرف اني ما بعبدو ... و حاليا و انا شيعية مش مهتمة بأحاديث الشاب الأمرد !!! انا بعمري ما عبدت شاب امرد و من صوّر الله بهذه الصورة فذنبو عليه ... ليش أهتم بما انو هالفكرة ما مسّتني لا قديما و لا حديثا ...

لكن فكرة انّ الله ينزل للسماء الدنيا في الثلث الأخير بالليل مسّتني ... و توقفت عندها لأنها كانت في عقيدتي ... و فكرة امكانية رؤية الله تعالى برضو مسّتني و توقفت عندها لأني كنت معتقدة فيها ... و تأثّرت كتير للأخطاء اللي وقعوا فيها و اللي كنت مصدّقتها ...

يعني بحثت في الأمور اللي كنت انا مقتنعة فيها لحد ما ثبت لي العكس ...

هلّا يا ستي العزيزة انا و انت ما كنّا نعبد شاب أمرد >>> كتير منيح ... و ازا كنّا تشيّعنا فعلا فنحن الآن لا نعبد شاب امرد >>> الوضع ما اختلف علينا يعني ما في شي نحكيه هون ... و ما في داعي نكتّر حكي في موضوع متفقين عليه

هلّا سؤالي لك >>> انت سألتيني سابقا ... و أجبتك ... بس ما عقّبتي على أجابتي

ما رأيك بنزول الله تعالى الى السماء الدنيا في الثلث الأخير من الليل ؟؟؟ ما تحكي لي انو هاد كمان ما كان في عقيدتك ...

هلّا بفلسطين الساعة 11:40 قبل منتصف الليل ... يعني لسّا ربنا ما نزل عالسماء الدنيا عندنا ... بس بايران او بالهند الآن تقريبا الثلث الأخير بالليل لديهم ... يعني ربنا بالسماء الدنيا عندهم !!!!! كمان ساعتين بيصير عندنا بفلسطين ... بعد بساعتين بيصير بمصر و بليبيا و بعدها بيصير بالمغرب العربي !!!!! هل ربنا بيغادر السماء الدنيا على هالحال ؟؟؟!!!!!

هل يجوز حصر الله تعالى في مكان و زمان ؟؟؟!!!!

للموضوع تعقيبات أخرى لكن بكتفي لهون

ملاحظة : صفحة الخواطر بأي مجلة ما كنت أقرأها ... لأني مو من عشّاق الخواطر ... فياريت يكون كلامك بطريقة بسيطة ...

انتظر اجابتك ... مع التذكير بالشرط

و السلام على الصادقين