[عاشق الأهات]

ياظالمة زينك بشين السوايا ******** من وين لك قلب علي طـول جايـر

ما ابي الدواء لا صار جرحك دوايا ******** باكر علي الظالم تدور الدواير

لوهو علي زينك بتلقي صبايا ******** المشكلة في الحب تعمى البصايـر

الصبح واضح والخطايا خطايا ******** والربح من بعض الاوادم خسايـر

يانفس قومي عن غرام البقايا ******** وياقلب قبل تحب شـاور وخايـر

اولاد ناس ولانحب الوصايا ******** كل يـرى نفسـة يعـادل عشايـر

ما كل قلب ينشرى بهدايا ******** وما كـل كسـر تفيـد فيـه الجبايـر

المعطي الله ما لخلقة عطايا ******** لوهي علي خلقـه سقتنـا المرايـا

عزاى رب يعطي حسب النوايا ******** يرحم عزيزين الذمم والضمائـر

ناس تخش الهم بين الحنايا ******** وناس وربي مادرت عن اللي صاير

هذاك حظه مثل بيض الثنايا ******** وهذاك حظه مثـل سـود الظفايـر
_________
تحياتي
عاشق الاهات