[وجدي الجاف]

زرْتُ مرقد أبي الفضل العباس (ع)
وتعلمون ان لكل فردٍ منا هموم كبيرة وحوائج مستعصية
فعندما دخلتُ الضريح المقدس اتخذتٌ لي مكاناً
بجانب القبر الشريف
فتذكَرتٌ مشاكلي وهمومي وغمومي
فرزقني الله بعَبرة وما احلاها بجانب باب الحوائج
العباس (ع)
فخاطبته معاتباً :-

عجــيـبـه ايخيب كلمــن يـدخل ابسدّك
وعجــيـبه اليكصدك يهمـل دمع عينه
وعجـيبه الينشدك يبكه بهضم مولاي
وعـجـيــبه الحشّـمـك يحــزن يوالينه
وعجيبه الدخل عندك تبكه بيه جروح
وعجــيـبـه ايشــيل جفـّه وترد جفينه
وعجـيـبه الكلـّفك مولاي ظنـّه ايخيب
وعجــيــبــه الحالفك عــدوانه ماذينه
وعجـيبه اللي نخـاك ايصير يا عباس
عـجـــيـبـه امكــدّر وتكثــر مـطـاعينه
مـا صدّك يضيغم ... والصدك معروف
نــجــيــك ويـفـرج الهمّ الــــذي بيـنـه
مهــو إنته الــكرم والكـرم منـّك جــال
وانــتـــه الأبــد مــا تــخـلـه دواويـنه
وانته ابن الصميدة الفحل داحي الباب
وابــــن الـضحّـت بــاربعـة لحسـيـنه
إنــتــه أبــو فاضــل والفــضل مـعـناك
بــل هــوّه الـفــضـــل منـّـك كـثر دَينه
شريـــد آنـه أكــولن بالكــفــو الوفـّاي
واللي للحــسـيــن انــطــاه زنــديـنــه
عـبـدك وابــن عـبـدك سـيدي اتعنـّاك
إقضــي حـاجـتـه يــا صاحـب الزينه