[وجدي الجاف]

السلام عليكم
بماسبة ذكرى استشهاد الزهراء (ع) اقدم لكم قصيدة وهي عبارة عن شكو للزهراء لأبيها المصطفى (ص) أرجو أن تستفيدوا منها وأسألكم الدعاء

علوجن دمعي السجّاب فايض مسيله
يـلهادي جرحوا كـلبي وانهـدم حيله

تـسمع حــــنـيـني - ولــوعـة ونـيـنـي

******************************

آنـــه بـضعـتـك الـلـي يـبويـه بحجـرك تـربيت
تنشد عـنّي كل ساعه وتروح لداري لو حنّيت
كبل مـا تـتـرك الـدنيا بــيّـه يلـنبي شــوصّـيـت
هـايه فـاطمه الزهـره لرضاهه يا خلك ارضيت
تدري شجره من بعدك يلغبت عنّي
بـانت يبويه الأسـرار وتعـاله ونّـي
أشـكــف يـمـيـني - ولــوعـة ونـيـنـي
**********************
لـمّـن غـمّضت عـينك شسـوّت بـيّـه اصحابــك
غـصبوا حكي يلمختار بـس مــا هـلـو تــرابــك
حـته مـن البجي بـويه ومنّ الونّ على امصابك
منعوني وبكيت انحب وعـيني شـابـحه لـبابــك
لفكدك ردت اجري دموع وانحب يلهادي
منعتــني اصحابــك لـيش وبـكيـت انـادي
تـخــيّب ظـنـيـني - ولــوعــة ونـيـني
***********************
فـزعـولي فـرد فـزعه يبويـه وهـجـموا عــليّـه
حركوا داري والنيران تـعـنّـت يـلـنــبــي لــيّــه
هضموني وغده يلهب مصابي مـن الهضم بيّه
وخـلوا دمعتي تجـري وغـدت جـفونـي مـدميّه
حـرت بلهيب النيران وانخطـف لـــوني
اهــل الغـــدر والأحـقـاد ولـيه ولـــونـي
ريــتـك تـجـيـنـي - ولــوعــة ونـيـني
**********************
وســط الـنــوح والآلام اجـو والبـاب دفــعـوهه
عصروني وكمت اصرخ وونّــة كــلبي سمعـوهه

كسروا ضلعي والمحسن سكـط والـدار حركوهه
بتّـك يـا نـبي الـرحمـن شلـون بغـدره فجعـوهه

تـنبّت بضلعي البسمار واختلف وضعي
والهـيّج آلامـي وزاد مـن عـنده دمــعي
طـيـحة جـنـيـنــي - ولــوعــة ونـيـني
*************************
خذوا منّي ابو الحسنين امجتّف وانخطف لـوني
رحـت للـمسجـد بهـمّي اكفـكف دمـعة عـيـونـي
اجـانـي الغـادر بحـقـده ضربـني ولـوّع امتوني
طحت عـالغبره يا بويه مهضومـه ويـنظرونـي
نـاشـدت ويــن الكـرّار حـامـي الحـميه
ويـنـك يحـمّـاي الجــار إلحــك عــلـيـه
هـل دمــع عـينـي - ولــوعــة ونـيـني
************************
عكب كـلّ الجره عليه يـبويه مـوتـي اريـدنّه
على فراش الأجل ظليت ألــم ضلـعـي ألــوجـنّه
لـو تـنظر أثـر دمـعـي وتـسمع نـوحي والونّه
كـلبك منـهـه يـتفـطّــر ومـصابي تـنهضم منّه
راح بـدمـوعي ألفيك واشرحلك حالي
واردن اشـوفك ضلعي واللي جـرالي
خـلـصت سـنـيني - ولــوعــة ونـيـني
*********************