[ابو رضا السماوي]

اللهم صل على محمد وال محمد

اخوتي واخواتي الافاضل السلام عليكم
اقدم لكم التسجيل الكامل لقصيدة مهرجان الراية السنوي لشعراء الحسين ع الذي اقيم في ايام اربعينية الامام الحسين ع في موكب مؤسسة فدك الحسينية بين النجف وكربلاء
وقد قرات فيها هذه القصيدة ((يوم الطفوف))
اقدمها لكم سائلا المولى تعالى ان يحفظنا واياكم انه ولي التوفيق
كما واقدّم لكم القصيدة كتابة للقراءة مع الاستماع
دمتم موفقين
********
للطيفة ::كتبت هذه القصيدة بالسيارة بالطريق بين السماوة __النجف طلبت القلم من السائق

الشكر الجزيل للاخوة المشرفين على تعديل رابط الاستماع والتحميل

القصيدة
للاستماع والتحميل
اضغط هنا

http://www.14noor.com/forum/uploads_...-05-31_213.mp3

قصيدة
((((يوم الطفوف))))
ترعد والقصيدة اتباركت صــــوبيــن
مطلعهه اعله تاليهه التوة ويرتـــــج
هج بيت القصيد اتلاشى عن العيـــن
صدر وعجز من بحر القوافي احتــج
ياچلمة اليضمهه ويطلع المگصـــــود
من خوفة الرچيچ انسبگ وترنــــــدج
لن اسم القصيدة احتار بين امـــــواج
يرجع يوصل ايرد وغده امبرهـــــــج
حيرهه الوزن من يابحر تختــــــــــار
ياصورة اليحطهه وترهم وتفـــــــرج
لن جتني القصيدة املبلبه اعله جناح
يصفگ والهفيف اتعالى واصبح عــج
من وحي الحسين اتوالت الافكــــــار
ريشة وترسم بلوح الحزن منهـــــج
ملزومه بحزنها اشما حبرهه ايفيض
واچتاف المتــــن عالهامش اتهدرج

************
غفوة اعله الرمال وياطفوف حسين
غمضة عين فتشة عين بيهه الهــج
من جوف الهظم نبع الحزن دفــــاگ
زلزال الوسيعه اعله الوسيعه اطبج
من حلگ الفجر تتلاهج الچلمـــــات
ياوعد الوداع وياحزن نـــــــــــوّج
نوّخ للمصيبة ارچاب المضعنيــــن
وارجال الكلافة احرمت لاجل الحـج
تسعى اعلة المنية وماتوانه اجــدام
تسبگ والمزامط يسعی من كل فـــج
اهنا راية حبيب امگابلة ابن لقـــين
واهنا طغمة الشر اجت تتفــــــــرج
صاح اهنا يزند الما لواه الظيـــــم
وينه اليصبح بدم منحرة امضــرج
يلمع للمناحر سيف ناغى المـــوت
سحگ حد المنية وياهلا اتلاهـــــج
تضحك من تسولف وصل حد الموت
ماهمها العدد من يلغط ويبغـــــج
عدهه ویه الخلود اسرار تلو اسرار
كل سر بالف سر وبعد اغمــــــج
اهنا دمعة برير امتاني الاستشهاد
واهنا حاير الحر بالعزم يرتــــج
وذاك الواگف اعله التل دليلة ايشوف
من وعد النصر صدره افتره ثلّـــج
مال اعلة البطولة ومايعرف الخوف
موت الموت منهم هاب واتبرهــــج
ياوسع الضماير من تريد احگــــوگ
تزحف مايخضهه الوهن تتبلــــــج
شيحده اليحس الجنة تلهج بيه
وبتاج الخلود ان چان يتــــــــوّج
من گلب الخيم صاح الهظم نخــــــاي
وينه اليعدل المايل والمعــــــوّج
يادمع العقيلة الهز وفة العبـــــــــاس
يتجادح غضب من گلبة صاح وضج
صفنه اعلة الشريعة وماتبين صوت
خورسها وطواها امن اعتنه وعرّج
فتاك اعله زندة احمول تحني اجبال
وبصدرة الوسيع العزم شب او وج
فتاك اعله زندة احمول هم اطفال
والغيرة بجبينه شموس تتوهـــــــج

***************
وفك عينه الرضيع بلهفة العطشان
من حر المنية المبسم اتبلــــــــــج
ياجود التفايض گطرة بل اشفــــاه
شبگ مدخل النبله ومالگه المخرج
وظل ذاك الصمود بساحة الميدان
ياكثر الطعن بيه والطبر اغمــــج
ظل اعله الرمال وعينة للمعبـــود
وايشد الجرح بسم الله موش اخرج
صفنت من وگع بالطف ابو السجاد
مد راسة الغدر واعله الخيم عرّج
صال اعلة الطفل عالطفلة جال اندار
وامراكض رقيه وجدم للتل هــــج
خليني بدمعتي وحزني وي عاشور
ومن لوعة صفر حتى الارض ترتج

كتبت بتاريخ 16صفر1427هـ
ألقيت بتاريخ 18صفر1427هـ
خادم اهل البيت ع ابو رضا السماوي