درس الحريه شعر... ام هدى الخزاعي
~~~~~~~~~~~~~~~~~~~~~~~~~~~~~~~~~~
درسونه ادروس الحريه 00 بمدرسة حسين الثوريه
ثبتو منهجها الاطهار 00 خطو بالدم الها شعار
بمدرسة حسين الثوريه
~~~~~~~~~~~~~~~~~~
من حيدر درسنه بدرسه 00 واحنه بمدرسته الطلاب
درسنه الاركان الخمسه 00 ثبت دين ونهج اكتاب
وشما درس نحفظ لسه 00 درس العتره وداحي الباب
حيدردرس لاتظن ننسه 00 حيدر لب الكل الباب
درسونه ادروس المخفيه
نخوه وغيره وانسانيه
ودرس العز يظل تذكار 00 خطو بالدم الها شعار
بمدرسة حسين الثوريه
~~~~~~~~~~~~~~~~~
من درس الكرار اشــــربنه 00 عز وغيره وبيها انفوت
شما ذبحو نصرخ لاخرنه 00 ويبقى بعالي ايدوّي الصوت
صـــوت يردد من مذبحنه 00 نبقى وهيهات احنه انموت
تنبض كل ذره الغــــــــيرتنه 00 ونكســـــر لوحات التابوت
ونشــــــك اجفان المـطويه
لــــــونســــــــمع نخوة حنيه
ونهتف كلنه ويه الكرار 00 خطو بالدم الها اشـــــــــــــــعار
بمدرســــــــــة حسين الثوريه
~~~~~~~~~~~~~~~~~~
من درس الكرار العبره 00 ودرسنه احســــــين المضمون
ويه العـِبره انخلي العـَبره 00 ونهتف دوم بهذا الــــــــــكون
مانضعف نحلف بالزهره 00 لاللذل صوت يســــــــــــمعون
من جامعة احســـين الكبرى 00 جــــــــم جيل اتخرج مجنون
مو واحد عابــــــــس لا ميه
ســــــجل تاريخه البشــــريه
ضحو للحق باصرار 00 خطو بالدم الها شعار
مدرســـــــــــــة حسين الثوريه
من درس الطف وآلامــــــه 00 درسونه ادروس الوجدان
ضحى احســـين الاجل اسلامه 00 لجــــل الدين يظل عنوان
مـــابايع لادنـــــك هــــــــــامه 00 لاهم بحشـــــــــد العـدوان
ويعـــــــــرف بعده اتروح ايتامه 00 مســــ ــــبيه وياها النسوان
وزينب بت حيدر مســــــــبيه
لجانت متخدره ومحميه
بســــــــيف الفقــــــــــــــار البتار 00 خطــــــو بالدم الها اشعار
بمدرسة حســــــــــــــين الثوريه
~~~~~~~~~~~~~~~~~~~
مـن العبـــاس ووكفــــاته 00 الدك اوتاد الغـــيره ازنود
للحومـــــه اتعلت راياتـــه 00 ومن جوده الجود الموجود
ضد الباطل شـــن صولاته 00 فات وما همته احشـــــود
بعزمه وروحه وكل غاياته 00 يجيب الماي ويملـــي الجود
يوفي الســــكنه ابن البدويه
بجـــفوفه وعينه المدمـــــيـه
بدمه وخوانه الاقمار 00 خطو بالدم الها اشعار
بمدرسة حسين الثوريه
~~~~~~~~~~~~~~~~~~
واحنه اتعلمنه بهالمعنى 00 لجل العزه انضحي الروح
نتفانا وحبه اليجمعنا 00 هاي الصرخه البيها انبوح
خل كل العالم يسمعنا 00 أبدا ماننســــــــى المذبوح
جامعنا حسين وماضعنا 00 يا اوســـع من مركب نوح
وصانا الباري وهادينا
بس حبهم هوَ الينجينا
ويكفينا امن اشرور النار 000 خطو بالدم الها اشعار
بمدرسة حسين الثوريه
~~~~~~~~~~~~~~~~~~~~~~~~~~~~~~~~~
ونسالكم الدعاء 8-1-2008
درس الحريه
العرض الشجري