[طيار عراقي]

الزعل
جنيت هواي انت بعشرتي ذنوب
ولامره اشتكيت الحال منك
واعديهن واكولن تصفه الكلوب
ولا بالظهر مره حجيت عنك
تحاجيني وكلامك مو حجي احباب
وابررهه واكولن تعب ذهنك
انا مليت منك تغلط وياي
ولامره ذنوبك حاسبنك
بعت عشرتك كوه ووجهي يندار
بس بداخلي تمنيت احضنك
صحيح الزعل يحرم شوف الاحباب
بس انت مني وانه منك
من سألوني ما كلتلهم منين
قسماً احلى الكلام حجيت عنك
رجعتلك دمعي يجري وذني العيون
عساهن بالعمه لو لحضه نسنك
جروحي بداخلي بس اني اهم بيك
وادري بجروحك يوجعنك
الناقلك حجي ما ناصح وياك
ولا خايف من الله الهمس بأذنك
تلكاني يا محبوبي بالاحضان
وعني الوجه الاسمر لا تديره
بدونك اني طير وجنحي مكسور
وبدونك فرحه العاذل جبيره
بعد مابيه حيل وازعل وياك
دخيلك هاي زعلتنه الاخيره