بسم الله الرحمن الرحيم
الحمد لله الذي جَعَلَ الْحَمْدَ مفْتَاح اًلذِكْرِهِ وَخَلَقَ الأشْيَاءَ نَاطِقَةً بحَمْدِه وَشُكرِهِ
وَالصَّلاةُ وَالسَّلامُ عَلى نَبِيِّهِ مُحَمَّدالْمُشتَقِّ اسْمُهُ مِنْ اسْمِهِ الْمحْمُود
ِوَعَلى آلهِ الطَّاهِرينَ أُولِي الْمَكارِمِ وَالْجُوِد
يراس احسين ناشدني...غريب اليحدي بضعني
غريبه امسيت يخواني...سبيه ابين عدواني
بعدك ياهو يسعدني
الك اشكي يبو السجاد...لوعات الشمر بينـه
ريت اللي كفلني اليوم...ينظر حالـة اسكينـه
اشكيله الجره والصار...كوم الدارت اعلينـه
شبو بالخيـم نيـران...كوم اكعـد يوالينـه
كوم وشوفنه بياحال...صرنه بولية الانذال
غيرك ياهو يفكدني
حالات السـدة ويـاي...صعبه اعليه اشرحهن
اسياط الشمر ياخـوي...صار بروحي طبعتهـن
مصايب حملة اهـواي...جميع اضلوعي حنيتهن
واساني الدمع بالعيـن...جفني وعيني لهبتهـن
عيوني شافت الاهوال...وبعدهه اتشيب الدلال
واسمع شمر ويسبني
واروليك بعض ماصار...مصايب مرت وشفنـه
عفنه اخوان بالميـدان...بس ماعفنـه خوتنـه
ياوحش الدرب ياخوي...جوع وهظم ماخفنـه
تركتك والجفوف وياك...تركت الجثث وبطفنـه
عليكم اعقد الامال...يخوتي البعد كلش طال
بعدكم حيل ويحزني
حزن فركاك ياخويـه...هظمني وهدم امالـي
انت المادريت اشصار...بيه اشصار يالوالـي
سواد الليل والوحشه...والهـم لفـه دلالـي
اريد اتناشد انه وياك...اريد ويـاك يالغالـي
عمري بعدك ولاطال...بيه تنظرب امثال
راح الجان يرشدني
السعاده راحت وي احسين...وحـزن فركـاك ياذينـي
انـت ياضـوه اعيـونـي...وانـت النـور تهديـنـي
يبو السجاد ترضـه الهـم...شلـون بـهـم تخليـنـي
اصيح بصوت خويه احسين...ترضـه الشمـر يحدنـي
حملي صدك شو المال...بهمني ناخت الاحمال
وين الكه الينادمني
نديمي راح يااخواني...وحس الطبل وعاني
حنيت لهذاك اليـوم...اليوم اهتزت اركاني
ربينه ازغار ياخويه...ابوي شكثر وصاني
وصيه امي كلفتنـي...عليك اتصير وحداني
حبي احسين الي بالحال...وينزلج اذا خيال
ذيج الساعه اذكرني
امانـه جانـت بذمتـي...ظلـت تسـري بدمـي
احفظته من زغري وياي...وصيه جانت من امـي
امـي كالـت وصيـه...بيـه بنيتـي اهتـمـي
امانـه للوكـت ويـاج...حتمـا انتـي تعلـمـي
ترعين النسه واطفال...وبيكم تنظرب الامثال
صبر زينب الحيرني
اخوكم
ابو معاد النجفي
العرض الشجري