[عاشق الامام الكاظم]

أنته اول أسم في بالي مطبوع
واعرفك من زمان وباسمك افخر
عرفت اسمك وانه ابطن امي والله
لأن بالشدة تصرخ يا علي احضر
علي بكل وكت حاضر للي ينخو
ولا فد مره من عدهم تعذر ؟؟
علي ومن الفظ اسمك أرفع الراس
واحس كل الأمان بداخلي يطوف
بحديقتنه تحط انواع الطيور
ويطيرن من امر ياخذهن الخوف
ولأن سمعني أندب باسمك هواي
أجن كلهن وحطن فوگ الچتوف؟؟
ولأن جدمي بحظرتك طاف فد يوم
أشوف اطوف يم جدمي الحمامات
ولأن مس چفي شباچك يبو حسين
على چفي أشوف تحط فراشات
ولأن دمعي عليك امخاوي الخدود
بل مرايه أشوف اخدودي وردات ؟؟
مره وأني نايم جاني جيثوم
واحس اعضام جسمي بخوف رجفت
صيحت اشكثر مايسمع الصوت
ومن انخيت باسمك گصته عرگت
علي امخوف الكون وأنطي برهان
الشمس لو ما تخاف شلون ردت
علي كله كرم واثبتلك شلون
شكثر صعبات يم شباچه سهلت؟؟
أمس ما عندي اجيب اغموس العيال
وتعنيت الضريحك يابو الايتام
ما خيبت ظني اتيسر الحال
وصبح زادي يشبع هواي صيام
نسوان شكثر ما عدهن اطفال
بس ندبن ابأسمك جابن اتوام
مساجين شكثر گظ چفهم الموت
ونخو باسمك وطلعو من العدام
كفار شكثر ما عرفو الدين
ومن عرفو طريقك صارو اسلام
علي اسمك فخر بي نرفع الراس
لأن راسك أبد ما طخ للصنام