[سفير المنتدى]

من زمان زماان وأنا عايش بلبنان
بشمالها وبجنوبها وبين جميع أديانها

بس بعمرو ما أحد سالني عن ديانتي

عشت بالجنوب سنين وسنين بين الشيعه الأغلبيه وبعمرنا ما كنا غير إخوان
إلي بصيبنا بصيبن والي بصيبن بصيبنا

ما بعرف ليش تغيرت الأحوال وإنقلبت الحال
وصرنا بخبر أخت لكان وإن.

ممكن شاشات التلفزيون غيرت فيها بهالكون
مش قادر أتحمل ومش قادر أوعى على إلي عم يصير.

حراام والله حراام
ننهش لحم إخوان
عشنا معن
وعاشوا معنا

يا بشر احكولي شو الي غير الأحوال.

يا ما بكينا ويا ما ضحكنا بجمعتنا
لك هلأ حتى بطلنا نجتمع مع بعض

ورجاء يا شيعة الكرام
لا تسبوا بالصحابه والأديان واتركوا الأمر للرحمن .

ما بدنا نخسر بعض أكتر من هيك ..

لأن قربة مرحلة الإنهيار.


بعتذر لـ لغتي العاميه لكن هيدا إلي طلع من قلب خوفان من إن نخسر بعض كمان

وحبي لكل شيعي وكل سني وكل درزي وكل مسيحي وكل عربي شو ما اختلفت الأديان