[ابو معاد النجفي]

[frame="5 80"]بسم الله الرحمن الرحيم
السلام عليكم ورحمة الله وبركاته
دنيانه صارت خربطه********** ماينعرف اولهه من تاليهـه
دنيانه صارت خربطه ******ماينعرف اولهه من تاليهـه
ضاع الصدگ والحگ غرگ****خابط صفه جاريهــــــــــــه
حتى الوفه ضاع الوفــــه ****والچذبه بس نطريهــــــــــه
والخوه راحت للاســـــــف******** عدمن بعد نلگيهـــــــــه
حتى الاصول اتغـــــــيرت ******والعدله ما نحچيهــــــــــه
وحتى العقول اتدمـــــرت****** وكل فكره لا ما بيهــــــــــه
ابعصر التطور بس جهـــــل ******** من راسهه لرجليهــــــــه
ليش احنه من دون الامم ******** فوضى وخراب اعليهــــــه
طبعا لان كلمن بـــــــده ****** باطل عذر ينهيهــــــــــه
وين الحصانه ياامــــــــم********** حريه زيف وشعوذه بانيهه
شيعتنا كله اتدمــــــرت ************ ماكو شهم يهديهــــــــــه
راحت السله والعنــــــــب ****** امريكي يلعب بيهـــــــــه
خلتنا نتقاتل بعــــــــض********** دولار من تنطيهــــــــــه
بايع ضمير وللاســــــــف ******** بير الوطن يرميهـــــــــه
ميهمه من مات الطفــــل ****** غداره شتحاچيهـــــــــــــه
وينك يبو اليمه انسبــــــت ****** نسوانه تدريهـــــــــــه
لااحد صوته نسمعــــــــه ****** امريكي غطه اعليهـــــــــه
رايد ظهورك بالعجــل ******انت الذي تصفّيهـــــــــه
اخوكم
ابو معاد النجفي[/frame]