[عاشقة أهل البيت]

..(( الجزء الثلاثووووون))..

فيصل: ريحانه
ريحانه: هاا
فيصل: اذا جا ولد تبين تسميه خالد؟
تفاجأت من سؤاله : ليش تسأل
فيصل: بس كذا جا على بالي
ريحانه: لا
فيصل: ليش
ريحانه: كذا
فيصل: ريحانه انا عادي عندي لو تسميه خالد مابزعل
ريحانه: لا .. ماابي نسميه محمد احسن
فيصل: براحتك .. بس قلت يمكن حابه تسميه على اسم خالد الله يرحمه
تكهرب الجو شوي .. وريحانه سكتت ...
فيصل: يلا غناتي اوديك لااتأخر عالجماعه
ابتسمت: يالله
في السياره ...
ريحانه: فيصل حبيبي
فيصل: نعم قلبي
ريحانه: ينعم عليك ربي .. بس ماعندي فلوس
فيصل: ان شاء الله الحين اسحب .. تبين اسحب لسحر بعد
ريحانه: لاقواك الله مايحتاج خالي وابوي يعطوها مصروف اتوقع عندها
فيصل: ولو سأليها
ريحانه: أي بسألها
فيصل: انتو راحين لشي معين
ريحانه: لا بس اقول مسكينه يمكن هي محتاجه شي من السوق بس تستحي تقول ودوني او احد يروح معها مابتروح مع السواق لحالها .. وانا امبي اخذ لي كم ثوب ثيابي كلها بدت تضيق
فيصل: ههههههه بتصيري دبه بعد كم شهر
ريحانه: لاتتطنز
فيصل: ههههههه لا خلاص بنطم ..
ريحانه: أي كذا احسن
فيصل: هههههههههه يلا وصلنا
ريحانه: قواك الله
فيصل: الله يقويك مع السلامه حبيبتي



بالسوق .:.

ريحانه: تعبت سحر خل نقعد عالكرسي شوي
سحر: بشوف انا هذا المحل وجايه لك
ريحانه: أي واحد
سحر: حق الهدايا بطالع فيه احب اطالعهم
ريحانه: اوكي انتظرك هنا
راحت محل الهدايا .. حصلت دبدوب وبوسطه حروف
قالت للبائع يعطيها واحد حرف الاس ..
اشترته ودخلته بين الاكياس حق ماتنتبه له ريحانه .. رجعت لها
ريحانه: تبين بعد نروح محل ولاخلاص
سحر: لا انا خلصت بس كنت محتاجه كم ثوب وانتي
ريحانه: كافيه علي تعبت
سحر: بديتي تشتري لللي ببطنك
ريحانه: لا بعدني كل يوم بكره وشوفي متى
سحر: هههههههه اذا مليتي خذيني معك احب ادور حق الثياب
ريحانه: أي ماقصرتي علي كسرتي ظهري بكل محل ساعه
سحر: هههههههه خلاص مابروح الا بعد سنه
ريحانه: لا والله توك تقولي تشتري عني
سحر: أي اروح بحالي
ريحانه: ههههههه يصير خير
سحر: السواق ماجا
ريحانه: بعده .. شرايك نمر باسكن روبنز
سحر: توني بقول لك يالله عطيني عنك
ريحانه: لاعادي عندك كفايه





.:. اخر الليل .:.

رجعت ريحانه بيتهم وسحر راحت على غرفتها وفتحت الاكياس
اخذت البطاقه اللي اخذتها مع الدب وقامت تكتب فيها
رن جوالها رفعته
أما دانه كانت تحت ملت بحالها .. حيدر طالع ومارجع للحين
راحت تشوف سحر .. . غريبه تصرفات سحر هالايام دائما تتكلم بالتلفون واذا احد جاها تسكت .. ودائما بغرفتها .. ولاحظت كثرة سرحانها .. لدرجه انها تدخل مع حيدر .. يشوفها بلا حجاب تالي تنتبه لحالها !! صارت تقهرها بعض تصرفاتها لكنها تسكت .. تقول يتيمه .. يمكن فتره وتمر ..!! بس كل شي تسكت عنه الا حجابها ...:.:.

مرت من عند الباب ,,,
سحر: اهلين حبيبي ... كنت طالعه لان .. ههههههه حتى انت .. ماني قايله ..
انصدمت دانه ... وقفت محلها .. تسمع باقي الكلمات .. لكن عقلها مو معها ...
سحر: امممم ماحددت للحين انتظر اشوف وقت فاضيه فيه والاهل هنا مايحسوا علي اقدر اطلع معك دون ماحد يشك
دانه مااستحملت دخلت على طوول تبي تنهي الكلام ماتبي تسمع اكثر.. انتبهت لبطاقه مكتوب عليها بالاحمر ..
انتبهت سحر لوجود دانه .. وسحبت البطاقه ودخلت داخل كيس ...
سحر: أي ماعليه .. وانتي من اهله الله يسلمك
سكرت التلفون ... دانه تبي تتكلم لكن خاناه لسانها ..
سحر: هاذي وحده من صاحباتي لما كنا بالمدرسه
دانه: اها .. ليش سكرتي كان كملتي معها
سحر: امها نادتها فسكرت .. اصلا من زمان وانا اكلمها
دانه: اهاا ... تبين تاكلي معي شي تحت
سحر: لا موجوعانه .. بنزل معك
دانه: لا بروح انا شقتي خلاص الحين بيجي حيدر

راحت لشقتها ...
حيدر كان موجود ..

حيدر: اهلين غناتي
دانه: اهلين كان قلت لي انك جيت
حيدر: قلت يمكن قاعده مع سحر او امي فخليتك
دانه: عمتي راحت تنام .. وسحر توها راجعه من السوق وقاعده بغرفتها مليت
حيدر: اهاا .. تصبحي على خير تعبان بنام
دانه: وانت من اهله


اليوم الثاني ...

جلس محمد من النوم .. كانت شوق مجهزه له اغراضه قبل ماتنام وفوق الشنطة ملف العمل اللي اخذه البيت امس ..
جهز نفسه واخذ اغرضه .. باس بنته وزوجته ومشى ..
محمد: يالله يبه يمه مع السلامه يمكن مااشوفكم قبل مااسافر
أبو محمد: الله معك ولدي الله يرجعم بالسلامه
أم محمد: انتبه على نفسك الله يرجعك سالم
سلم عليهم ومشى ...

بالعملـ ,,,

حيدر: ههههههههههه ان شاء الله ماترجع الا مابقى لك راتب
محمد: اسحبه منك ان ماانتبهت لهالحجي
حيدر: اااخ الله يغربل ابليسك سالفه شغلك سالفه انت شغلي اريح
محمد: مسواهم لازم هالكورس مادري وشو فايدته
حيدر :هههههه تتعلم يابابا
محمد: بمر عليك نهايه الدوام اعطيك المفاتيح والملفات
رن جوال حيدر ...
حيدر: طيب يالله اخليك اشوفك بعد ساعتين
محمد: ليش مستعجل
حيدر: هههههههه انقلع بس يالثقيل



لؤي استقر بالمنطقه اللي سكن بها ..
قعد عاللابتوب بعد ماخلص باقي اشغاله ....
فتح المسن .. ندى كانت موفاتحه بس حصل حسام فاتح
لؤي: السلام
بعد فتره ..
حسام: وعليكم السلاام ياااهلا لؤي كيفك شخبارك
لؤي: اهلين الحمد لله .. كاني شغلتك
حسام: لا بس كان عندي واحد وتوه طالع .. شو مسوي هناك
لؤي: تمام الحمد لله .. شخباركم انتو وشخبار ندى
حسام: الحمد لله بخير نسأل عنك .. ندى كل يوم تفتحه تنتظرك
لؤي: ولله توني متفرغ للابتوب الحين ... ااي اعرفها ندى اذا احد تحاتيه ماتقعد دقيقه ..نايمه تتوقعها الحين
حسام: امممم لا قعدت بس يمكن من شوي مامداها .. اخليك الحين عندي اجتماع
لؤي: أي خلاص بنتظرها كان تفتح واذا رجعت سلم عليخا وااايد
حسام: الله يسلمك
لؤي: مع السلامه ..



العصر ,,,,

ريم: شوووق
شوق: هاا
ريم: محمد عالتفلون يبيك يقول جوالك مافيه شبكه
شوق: أي خلصت البطاريه امسكي فدووك
ريم: يحتاج انقلع برا الصاله بعد
شوق: هههههههه لا
ريم: خخخ فكرت بعد
شوق: اهليين محمد
محمد: اهلين غناتي شووقي مابقدر امر لان ماطلعت الا متأخر من حيدروه افهمه سالفة بعض الملفات ولازم الحين اروح المطار
شوق: اهااا .. ولادقيقه تقدر
محمد: ههههههه لو نص دقيقه كان جيت .. يلا حبيبتي اخليك
شوق: مع السلامه انتبه لنفسك قلبي
محمد: الله يسلمك



حيدر رجع متأخر من العمل وراح بيت ابوه عاطوول لان دانه تكون العصر هناك
حيدر: السلام
أم حيدر: وعليكم السلام .. قواك الله يمه
حيدر: الله يقويك
أم حيدر: حتى شغل العمل تجيبه البيت؟
حيدر: لابس هذا الملف عاطيني اياه محمد استمليت ارجعه المكتب جبته معي .. دانه مو هنا
أم حيدر: الا بس نادوها خواتك مادري وشو يبون تسوي لهم وراحت معهم .. سحر غناتي شوفي دانه قولي لها جا حيدر
حيدر: اهاا
سحر: ان شاء الله
جات ايمان تركض بورقه
ايمان: حيدر حيدر شوف دانه سوت لي فراشات كبيره حليوه
حيدر: أي حلووه يلا لونيها
انتبه لدانه جات ابتسم لها ..
حيدر: اهليين دانه
دانه: اهلين احط لك غدا
حيدر: أي جووعان
دانه: دقايق بس .. هنا ولا بالشقه تاكل؟؟
حيدر: لا هنا
دانه: طيب




ندى: افااا مافتحت لاني كنت اسوي الغداء ماتوقعته يشبك
حسام: يمكن 11 لما كلمته
ندى: شخباره شو مسوي
حسام: الحمد لله يقول بخير بس توه فاضي للابتوب الحين
ندى: اهاا
انسدح عالكنب وحط راسه على ندى ..
ندى: بتنام؟؟
حسام: لا استراحه بس خمس دقايق
ندى: ههههههه صدقتك
حسام: عندك شي الليله
ندى: لا ليش
حسام: اول محل شفتيني فيه وين
ندى: بالعرس !!
حسام: لااا شفتيني قبل
ندى: امممم بالبحر
حسام: ايووه
ندى: وانت شدراك
حسام: هههههه اخوك كان معك
ندى: أي صح
حسام: ودي اروح البحر الليله
ابتسمت له: أي عادي نروح ليش لا .. حسام
حسام: هاا
ندى: ليش كنت متضايق ذيك الليله
حسام: اممم انا اذا كنت متضايق ومالي احد اروح البحر وكنت ملان ذيك الله ومتضايق شوي ورحت
ندى: كنت تنتظر المجهول مثلي صح
ابتسم لانها فهمت قصده: ايه.. بس طلع احلى مجهول بحياتي





الليل .:.

دانه: بتطلع الليله؟
حيدر: أي معزوم على عرس واحد معي كان بالجامعه
دانه: اهاا .. اجهز لك ثيابك الحين
طالع الساعه: أي يالله بقوم
بعد دقائق .:.:.
دانه: حبيبي وانت راجع اذا تقدر نروح البقاله ناقصه اغراض
حيدر: امم وانا راجع بتصل لك
دانه: أي ماعليه
حيدر: مع السلامه
دانه: الله يسلمك

راحت لبيت عيالها تقعد هناك ...

مافيه الا ايمان وبتول وجاسم كان بيطلع
قال لها جاسم ان امه طلعت للجيران وسحر راحت بيت خالتها
ايمان: عادي قعدي معنا
دانه: وشو اسوي معكم
بتول: نلعب بالصور
دانه: ههههه لابركب الشقه اخلص شغلي
جاسم: دانه ترى اخوي نسى هنا ملفات العمل اذا تاخذينهم معك
دانه: وينهم
جاسم: فوق طاوله التلفزيون
دانه: ان شاء الله
اخذتهم رجعت الشقه ..
غسلت الثياب اللي مجهزتنهم ورتبت الشقه على مايرجع حيدر
اخذت الملف بتحطه فوق المكتبه
لكن طاحت منه ورقه .. بيضاء ومكتوب عليها بخط دمي .. قرأت الورقه بيد ترتجف
((صورتك في عيني
وفي ~القلب~طاريك
تعال شوف بدنيتي (وش مكانك؟)
ان جيت كلدقات قلبي تحييك
وان (رحت) يكفيني بقايا حنانك
أعاهدك ما يوم ممكن (أخليك؟؟)
وماعاش من ياخذ بقلبي (مكانك)
محبتك .. ))
طالعت نهايه الصفحه قلوب و مكتوب بالانجليزي shماكملت قرائتها كرفست الورقه ورمتها على الجدار ...
مستحيل !! سحر تسويها!! هي صح سمعتها بس ...
كانت تكلم حيدر يعني !!! لا مستحيل حيدر مايسويها .!! بس ..
قعدت عالارض .. دموعها وصلت الارض قبلها ........


على البحر ....

حسام: ندى موكأنه هذا فيصل زوج صاحبتك
ندى:وين
حسام: هناك
ندى: أي صح هاذي ريحانه بتصل لها .. الوو .. اهلين كيفك شخبارك .. شخبار جو البحر عندكم .. ههههههههههه قدامك احنا يالدبه عالارض جالسين ..
فيصل: السلام
حسام: وعليكم السلام ياهلا تفضلوا
فيصل: زاد فضلك
حسام: مقلدين علينا
فيصل: ههههههه كنا رايحين السوق قلنا نمشي عالبحر شوي
حسام: اهاا
فيصل: شو مسوي بالعمل
حسام : تمام خلاص استقرينا
ريحانه: ندوو
ندى: هاا
ريحانه: اليوم بالسوق الثياب كشخه يجننووا حق اليهال
ندى: ههههه اشتريتي
ريحانه: أي بس ماخلصنا يعني اخذت مفارش كفايه والاشياء الاساسيه بعد باقي
ندى: اهاا .. تدري هنا بنفس المحل شفت حسام اول مره
ريحانه: هههههههههههه يوم يجيكم مبرطم
ندى: سكتي بس لاتعيبي عليه
ريحانه: ههههههههه خلاص بسكت .. عندك ماي عطشت من المشي
ندى: أي قولي لريلك جنبه الكيس لأن .. فيه بعد اسكريم اذا تبين
ريحانه: والله
ندى: ههههههه عندنا كل المستلزمات فيه حب اذا تبين
ريحانه: شمسي ؟
ندى: لا مصري
ريحانه: افاا .. امبي مصري مو بغبغاء انا اكل شمسي
ندى: ههههههههههههه مالت عليك
ريحانه: لو السياره قريبه كان رويتك الاغراض
ندى: هههههههه مابيطيروا



حيدر....
اتصل لدانه ..

حيدر: اهليين غناتي يالله شوي وجايك
دانه: لا مابروح خلاص
حيدر: وشو فيك دانه
حاولت تعدل صوتها: مافيني شي بس راسي يعورني وامبي انام
حيدر: اهاا براحتك .. بطول عيد شوي يبوني اقعد معهم الشباب
دانه: اوكي .. مع السلامه