بسم الله الرحمن الرحيم
السلام عليكم ورحمة الله وبركاته
ماوصل شيعي امس يدفن الحسين وطلعت الاعراب سكته ودفنته
وهسه كل الشيعه تبجيله وتنوح ومن شمال الصين وادم زارته
يلتزور حسين اوكف لاتزور اقره ليش حسين قامت ثورته
حته من تنزل دمعتك عالحسين تعرف اشكد الثواب بدمعته
تدري ليش الميت يعصره الكبر وتدري شيصيح الكبر في ميته
خاف حابس دمعه في حق الحسين اليوم تطلع من طرف سبابته
وحته تعرف منك شرايد حسين مو تزوره وانته جاهل غايته
حسين رايد روح تنحط بالضريح مو تحط دينار ماهو بحاجته
روح علك كلبك اباب الحسين وشيل كل ذاك الذهب من حضرته
حسين مامحتاج عالكبه ذهب الذهب محتاج راح لكبته
صاح صوت من السمه بمقتل حسين وبعد لسه يصيح ومحد سكته
ومن فظحكم نور سيدنا الحسين سيوفكم للراس راحت كصته
ومن فشلكم شلتو راسه عله الرماح وكلتو راس حسين نزلت قيمته
ماتنزل رماحكم راس الحسين بالعكس عالروس كلهن علته
ثبتت الكفار فوزك ياحسين وشجره بصفين بالطف عادته
بس فرق شله يزيد بكربلاء مالكت قران راسك شالته
وبقت جثته حسين تضوي اعله التراب وانتقل نور الحسين بتربته
وهسه كلمن يسجد بتربه حسين تنزل الجنه تختمه بكصته
سيدي العانيته من شله يزيد فوكه عشر اضعاف زينب عانته
من طحت يحسين ماشفت الحسين شلون حدوات الحوافر داسته
ولا شفت بشعه ذبحتك من كفاك وابنك السجاد حركوا خيمته
ولاشفتني بيوم جروني اليهود والرماح شلون راسك شالته
شلون مانبجي وندك لجل حسين وكل سنه بعاشور ننصب مأتمه
انكسرضلع الكون من طاح حسين والجبال من اللطم متثلمه
ولأن ماكو جفوف ودك النجوم توكع عله الكاع وترد للسمه
تدري شنهو المعجزه بلطم الحسين الما تموت الناس لو مطرت دمه
قصيدة لنائل المظفر عن الامام الحسين عليه السلام
بسم الله الرحمن الرحيم 
العرض الشجري