مافادني صبري !! ولا فادنـي عـون
ولا فادني دمع(ن) .. حرق لي جفوني
ياما بكيتـه والبكـي يحـرق عيـون
ميت أو انه حي .. دمعـي بعيونـي!!
العام كان بفرحتـه.. يعـزف لحـون
واليوم ؛ تحت الأرض .. ماهو بكوني
لكن أنا في فرحتـه.. كنـت مدفـون
فوق الثرى .. واليوم موته سجونـي
(سميت قلبي عقـب فرقـاه ملعـون)
هو و الليالي .. عن هنـاه امنعونـي
ياليتني.. ماعشـت لحظـه بهالكـون
وياليت ربعي .. في سكات اذبحونـي
وياليتكم .. عن همّي اليـوم تـدرون
منه انحرمت > ومن عزاه .. احرموني
حتى بوفاته !! يوم أنا طحت مطعـون
أخفيت طعناتي .. قبـل لا يفضحونـي
بكيت!! لكـن .. ماتظاهـرت بالهـون
أبكي وأقول : الموت هو سبة طعونـي
وإن كان في حبّـي أنـا ..ماتحسّـون
دلوني لقبـره .. وهنـاك ..اتركونـي..
اتمنــى تعجبــــكم جديده توني خلصت منها وأول منتدى
أحطها فيه يعني النسخه الأصلية عندكم وأتمنى ردودكم تكون من مضمووون القصيده
أختكم قووووووووت القلووووووب
يا اللي دفنتوا جثته ليه تبكون ؟؟؟
العرض الشجري