المعذرة لطولت غيابي ومثل ما أنتو عارفين الاختبارات والمودم حق الإنترنت بعد معصب علينا هذي الأيام مو راضي يشتغل قلت بلوحة بعدين حنيت عليه وقلت بحطه عرض تبع الصور هههههههه بخيل .
على العموم خلوني ادخل معاكم إلى الموضوع الجديد ألي أنا مجهزه لكم من زمان و ألحين جاء وقته .
الموضوع لماذا تطلب يد العون وأنت لست بحاجه لها ألا تخجل من نفسك وأنت تمد يدك طالبا الإغاثة هل أنت
جوعان ألا تستطيع أن تعول نفسك كاذب وألف كاذب أشتمتك أتزعل من قول الحق .
موضوعي يتطرق إلى الشحات أو بالهجه الدارجة ( الطرار ) .
لا تستغربون من أني انتقيت هذا الموضوع لأنه موضوع يستحق والله يستحق أكبر من حجمه .
أسباب الشحاته لماذا الشحاته كيف نتوقى هذه الظاهرة التي ملت معظم المناطق .
أولا سوف أذكر أسباب الشحاته أن الشحاته ظاهره يجنى منها النقود نعم هذه أهم الأسباب .
اذكر لكم هذه القصة لأبين لكم مدى جراءة الشحاتين وإلى أي خسة يستطيعون أن يصلوا بها .
بذكر هذي القصة باللهجة العامية أحسن لي ولكم ترني أزهق من اللغة الفصيحة .
في يوم طلعة مع الوالدة إلى السوق انتبهت لشخص جالس على كرسي متحرك حالة الشخص والله ألي يشوفه
ينكسر خاطره عليه والله منضرة مؤثر جدا رقبته لافها إلى جهت اليسار يده معكوفة برطمة جاي على جنب
يعني ألي يشوفه يقول هذا مشلول . طيب أنا عطيته المقسوم أي والله منكسر خاطري عليه أنا مو متحسف ألا
على العشرة ألي عطيته هههههههههه .
جميل بعد كم يوم جيت مع صديقي وأحنى قاعدين نتمشى في الطرق أنبهت إلى الشحات نفسه قلت حق صاحبي شوف هذا الشخص والله كاسر خاطري .
قالي هذا قلت له أيه قال هذا قلت أيه وش فيك قال هذا كذاب أبن كذاب قالي هذا الشخص متزوج سوريه وعنده بنات واهو صاحي وما فيه شي قلت له كذاب أنت قال والله العظيم وبتشوف .
يوم ثاني يوم الصقعه ألي شفته فيه مع صديق آخر قلت له هذا تعرفه قالي أيه قال نفس ما قاله الصديق الأولي .
يا الله كذا يسوي في حاله علشان الفلوس .
تصدقون يا أخواني ويا خواتي والله ثم والله ثم والله بحثت عن عن أحد فقير محتاج ما حصلت والله ما حصلت .
ليش لأن يوجد لدينا جمعيات وفي شأون وفي صرف معاشات للمعاقين والله فلوس ما تتوقعونها الله لا يعوزنا لها طبعا .
ليش الإنسان يخلي نفسه للقيل والقال والكلام الفاضي . ويخلي نفسه محط أنضار الناس أنه شخص من حثالت المجتمع .
على العموم أنا عندي قصص كثيرة تعايشت معاها بعدين أكمل لكم باقي القصص .
طيب برأيكم شنو الحل يالله يا شباب عندنا هنا أعضاء ممتازين في أيجاد الحلول .
ليش تشحت
العرض الشجري