[ابو معاد النجفي]

الله الرحمن الرحيم
ما نركب خطوه بسياره *** شما يبعد دربه ومشواره
حتى التعبانين *** ماصعدو يحسين
كل خطوه بحجه وزياره
*****************************
مجنون وحبك جننــي *** يحسين وتية افكـــــــاري
مشاي وجيتك متعني *** عفت اعيالي وناسي وداري
يالحبك ممزوج بروحي *** وي اهواي ودمي الساري
مو حكي اتخبل من حبك *** وانته العالم وانته الداري
حتى المذهولين *** ماصعدو يحسين
حبك هذا وهاي اسراره
*****************************

شفت الرايات المرفوعــه *** كل واحد لازم فد رايه
يرسم صورة حامي الواهه *** عــــباس وجفينه وايه
عاهدناك بعهد الفطــره *** ومانترك درب المشـــايه
ومابينه العاجز من عهده *** وكلحنه العهدك وفايه
حتى المديونين *** ماصعدو يحسين
دربك هذا وربنه اختاره
*****************************

كل العالم واكف يشهــد *** هذا الموقف صوت وصوره
خل يفتح صفحه ابتاريخه *** ولايهملنه ويملي اسطوره
اول جمله واول كلمـــــه *** انحب حسين وجينه انزوره
والثاني نموت ومانوفي *** الاجساد الراحت منحـــــوره
حتى المهمومين *** ماصعدو يحسين
شمعه حسين وتضوي انواره
*****************************

هذا الممشه ايجسد عبره *** كل حر لازم ما ينساهه
يذكر زينب ذيج الحره *** ويذكر سبيته و ممشــاهه
واخوتهه الظلــو عالغبره *** عافوهه ومحد وياهـــــه
والطفله الماتت بالغربه *** وايتام الظلت بحماهـــــه
حتى المتعنين *** ماصعدو يحسين
دمك لازم ناخذ ثاره
*****************************

ثاراتك وتريد انساكم *** نحلف بالحره وغربتــه
وبالخدر وهظم اسكينه *** للشام وهظمة دمعته
من نمشي نذكرهم احنه *** نتــــلكه الحره وردته
نشوف الزهره والكرار*** والحجه اليحضر بيعته
حتى الثائرين*** ماصعدو يحسين
منتظره لجيتك محتاره
*****************************
لخادم اهل البيت
ابو معاد النجفي